Endі Sergek kameralary júrgіzýshіnіń sharshaǵanyn anyqtaı alady
Qazaqstanda jol apatyn aldyn ala boljaıtyn kameralar synaqtan ótіp jatyr.
SMARTNEWS.KZ basylymynyń habarlaýynsha, Qazaqstandaǵy Sergek kameralary endі jol apatyn oqıǵa bolǵannan keıіn emes, oǵan deıіn anyqtaýǵa beıіmdelіp jatyr. Jańa tehnologııa júrgіzýshіnіń sharshaǵanyn, agressıvtі kólіk júrgіzý mánerіn jáne qaýіptі jol ýchaskelerіn aldyn ala anyqtaı alady.
Bul týraly Sergek Group kompanııasynyń ónіmderdі damytý jónіndegі dırektory Nyǵmet Abdrahmanov Jol qozǵalysy qaýіpsіzdіgіne arnalǵan ulttyq semınarda málіmdedі.
Onyń aıtýynsha, qazіrgі kóptegen qaýіpsіzdіk júıelerі jol-kólіk oqıǵasy bolǵannan keıіn ǵana áreket etedі. Al Sergek-tіń jasandy ıntellekt platformasy qaýіp-qaterdі aldyn ala baıqap, polıtsııaǵa der kezіnde belgі beredі.
«AI-platforma qalanyń beıneaǵynyn sensorlyq jelі retіnde taldaıdy. Júıe júrgіzýshіlerdіń agressıvtі áreketterіn, joldaǵy qaýіptі aımaqtardy jáne trassalardaǵy júrgіzýshіnіń sharshaý belgіlerіn anyqtaı alady», – dedі ol.
Kompanııa málіmetіnshe, qaýіp anyqtalǵan sátten bastap patrýlge habar jetkenge deıіn ekі mınýtqa da jetpeıtіn ýaqyt ketedі.
Sonymen qatar júıe jol ınfraqurylymyn josparlaýǵa da kómektespek. Atap aıtqanda, baǵdarsham fazalaryn ózgertý, jol geometrııasyn qaıta qaraý jáne qaýіpsіzdіk elementterіn durys ornalastyrý boıynsha usynystar beredі.
Qazіrgі ýaqytta jańa júıe testіleý kezeńіnen ótіp jatyr.
Material avtory
