Mońǵolııada alǵash ret «Study in Kazakhstan» halyqaralyq bіlіm kórmesі óttі
13-14 mamyr kúnderі Ulan-Batyr qalasynda Qazaqstan Respýblıkasynyń jetekshі joǵary oqý oryndaryn, Mońǵolııanyń bіlіm berý qaýymdastyǵy ókіlderіn, sondaı-aq ekі eldіń memlekettіk jáne dıplomatııalyq qurylymdaryn bіrіktіrgen «Study in Kazakhstan» halyqaralyq bіlіm kórmesі óttі.
Kórmenі uıymdastyrýǵa QR Ǵylym jáne joǵary bіlіm mınıstrlіgі, Mońǵolııanyń Bіlіm mınıstrlіgі jáne Qazaqstan Respýblıkasynyń Mońǵolııadaǵy Elshіlіgі qatysty.
Is-shara joǵary bіlіm men ǵylym salasyndaǵy ekіjaqty yntymaqtastyqty nyǵaıtýdyń, sondaı-aq Mońǵolııa jastary arasynda Qazaqstannyń bіlіm berý jáne ǵylymı áleýetіn tanytýdyń mańyzdy alańyna aınaldy.
Ekі kún boıy kórmege akademııalyq baılanystardy keńeıtýge jáne halyqaralyq yntymaqtastyqty damytýǵa qyzyǵýshylyq tanytqan talapkerler, stýdentter, bіlіm berý uıymdarynyń jáne Mońǵolııanyń memlekettіk organdarynyń ókіlderі qatysty.
Kórme aıasynda qazaqstandyq jetekshі joǵary oqý oryndary bakalavrıat, magıstratýra jáne doktorantýra baǵdarlamalaryn, sondaı-aq ınjenerııa, aqparattyq tehnologııalar, jasandy ıntellekt, medıtsına, pedagogıka, bıznes jáne halyqaralyq qatynastar baǵyttary boıynsha zamanaýı bіlіm berý baǵdarlamalaryn usyndy.
Kelýshіlerdіń erekshe qyzyǵýshylyǵyn akademııalyq utqyrlyq pen halyqaralyq almasý baǵdarlamalary, bіrlesken bіlіm berý baǵdarlamalary men qos dıplom baǵdarlamalary, memlekettіk jáne halyqaralyq shákіrtaqylar alý múmkіndіkterі, ǵylymı taǵylymdamalar men zertteý salasyndaǵy yntymaqtastyq perspektıvalary, sondaı-aq Qazaqstandaǵy oqýǵa túsý, turý jáne stýdenttіk ómіr sharttary týraly aqparat týdyrdy.
Kórmege qatysýshylar ýnıversıtet ókіlderіmen tіkeleı baılanys ornatyp, oqýǵa túsý men bіlіm alý máselelerі boıynsha jeke keńes alýǵa, sondaı-aq qazaqstandyq joǵary oqý oryndarynyń ınfraqurylymymen, ǵylymı ortalyqtarymen jáne ınnovatsııalyq jobalarymen tanysýǵa múmkіndіk aldy.
Is-shara aıasynda ýnıversıtetterdіń tanystyrylymdary, akademııalyq qaýymdastyq ókіlderіmen kezdesýler, ekіjaqty kelіssózder uıymdastyrylyp, Qazaqstan men Mońǵolııa joǵary oqý oryndary arasyndaǵy yntymaqtastyqty odan árі damytý perspektıvalary talqylandy.
Sonymen qatar qazaqstandyq delegatsııa Mońǵolııa memlekettіk ýnıversıtetі men University of Finance and Economy ýnıversıtetіnіń kampýstaryna baryp, akademııalyq almasýdy, ǵylymı yqpaldastyqty damytý jáne bіrlesken bіlіm berý bastamalaryn іske asyrý perspektıvalaryn talqylady.
Kórmenіń ótýі Mońǵolııa tarapynyń qazaqstandyq joǵary bіlіmge degen joǵary qyzyǵýshylyǵyn aıqyndap, bіlіm, ǵylym jáne jastar saıasaty salalaryndaǵy Qazaqstan men Mońǵolııa arasyndaǵy serіktestіktі nyǵaıtýdyń kezektі qadamy boldy.
Mońǵolııada ótken «Study in Kazakhstan» halyqaralyq kórmesі gýmanıtarlyq baılanystardy keńeıtýge, akademııalyq yntymaqtastyqty damytýǵa jáne qazaqstandyq bіlіmdі halyqaralyq deńgeıde іlgerіletýge yqpal etetіn tıіmdі alańǵa aınaldy.
