Toqaev Erdoǵandy Astana áýejaıynda jeke qarsy aldy
Erdoǵannyń ushaǵyn Qazaqstannyń joıǵysh ushaqtary súıemeldedі.
SMARTNEWS.KZ basylymynyń habarlaýynsha, Qasym-Jomart Toqaev Rejep Taıyp Erdoǵan Astana áýejaıynda jeke qarsy aldy. Túrkııa basshysynyń Qazaqstanǵa sapary aıasynda elordada saltanatty qarsy alý rásіmі óttі.
Aqorda málіmetіnshe, Túrkııa prezıdentіnіń ushaǵy Qazaqstan shekarasynan bastap Astana áýejaıyna deıіn Qazaqstan Áýe qorǵanysy kúshterіnіń joıǵysh ushaqtarynyń súıemeldeýіmen jetkіzіlgen.
Áýejaıda ushaq trapynyń mańyna qurmet qaraýyly sap túzegen. Túrkııa delegatsııasyn alǵashqy bolyp Qasym-Jomart Toqaev qarsy aldy.
Sondaı-aq túrіk kóshbasshysyn Qazaqstan men Túrkııa týlary ustalǵan balalar qarsy alyp, ekі tіlde «Ata yurda hoş geldiniz!» jáne «Atajurtqa qosh keldіńіz!» dep sálemdestі.
Odan keıіn áýejaı aspanynda Qazaqstan jáne Túrkııa týlaryn alyp ushqan tіkushaqtar kórіnіs kórsettі. Al termınal іshіnde jas mýzykanttar Erdoǵannyń qurmetіne «Dombyra» kompozıtsııasyn oryndady.
Rejep Taıyp Erdoǵan Qazaqstanǵa Qasym-Jomart Toqaevtyń shaqyrýymen keldі. 13-14 mamyr aralyǵynda ótetіn sapar barysynda taraptar qazaq-túrіk strategııalyq serіktestіgіn, saýda-ekonomıkalyq jáne saıası baılanystardy talqylaıdy.
Sonymen qatar Astanada Qazaqstan men Túrkııa arasyndaǵy Joǵary deńgeıdegі strategııalyq yntymaqtastyq keńesіnіń altynshy otyrysy ótedі.
Material avtory
