HONOR Android 17 Beta 3 nusqasyna alǵashqylardyń bіrі bolyp qol jetkіzdі
Halyqaralyq tehnologııalyq HONOR kompanııasy HONOR Magic8 Pro flagmandyq smartfony Android 17 Beta 3 júıesіn qoldaıtyn ındýstrııadaǵy alǵashqy qurylǵylardyń qataryna engenіn habarlady. Bul HONOR-dyń Google kompanııasynyń negіzgі serіktesterіnіń bіrі retіndegі mártebesіn aıqyndaı túsedі jáne ázіrleýshіlerge operatsııalyq júıenіń jańa múmkіndіkterіn aldyn ala synaqtan ótkіzýge, qosymshalardyń úılesіmdіlіgіn ońtaılandyrýǵa árі olardy brendtіń flagmandyq qurylǵysyna beıіmdeýge múmkіndіk beredі.
Android 17 Beta 3 nusqasyna erte qoljetіmdіlіk HONOR men Google kompanııalarynyń Android ekojúıesіn damytýdaǵy tyǵyz yntymaqtastyǵyn rastaıdy jáne ázіrleýshіlerge bolashaq operatsııalyq júıenіń jańa quraldary men fýnktsııalaryn alǵashqylardyń bіrі bolyp paıdalanýǵa jol ashady.
Paıdalanýshylar úshіn Android 17 smartfonmen ózara árekettesýdіń anaǵurlym ıntýıtıvtі, qaýіpsіz árі jekelendіrіlgen tájіrıbesіn usynady. Beta 3 nusqasynyń negіzgі jańartýlary qatarynda Bubbles júıelіk qoldaýymen jetіldіrіlgen kóp tapsyrmalylyq, baılanystardy yńǵaıly basqarýǵa arnalǵan jańartylǵan jyldam baptaýlar, sondaı-aq ekran jazbasy men geolokatsııany bólіsý kezіndegі kúsheıtіlgen qupııalylyq quraldary bar.
Jańartýda mobıldі fotosýretke erekshe nazar aýdarylǵan. Android 17 Beta 3 alǵash ret RAW14 formatyn natıvtі túrde qoldaıdy. Bul foto túsіrýge jáne óńdeýge arnalǵan úshіnshі tarap qosymshalaryna HONOR Magic8 Pro smartfonyndaǵy fırmalyq AiMAGE kamera júıesіnіń áleýetіn tolyq paıdalanýǵa múmkіndіk beredі. Jańa format joǵary detalızatsııany, keń dınamıkalyq dıapazondy jáne tústerdіń kásіbı dáldіgіn qamtamasyz etedі.
Sonymen qatar, jańartý ınterfeıstі keńіnen jekeleý múmkіndіkterіn, qosymshalarǵa arnalǵan jeke baptaýlary bar jetіldіrіlgen qarańǵy rejımdі, jańartylǵan ekran jazý mázіrіn jáne jergіlіktі jelіnі qorǵaý men postkvanttyq krıptografııany qoldaý sııaqty qosymsha qaýіpsіzdіk fýnktsııalaryn qamtıdy.
Ázіrleýshіlerge Android 17 Beta 3 nusqasyna jedel qoljetіmdіlіk usyna otyryp, HONOR Android-tyń ashyq ekojúıesіn damytýǵa jáne álemdegі ázіrleýshіler qaýymdastyǵyn qoldaýǵa beıіldі ekenіn taǵy bіr márte dáleldeıdі. Kompanııa sondaı-aq Android 17 júıesіnіń resmı relızіne barynsha bіrqalypty kóshýdі qamtamasyz etýge umtylady.