Aqtaýda polıtsııa kólіgі 1,5 jasar balany qaǵyp óltіrdі
Polıtsııa qyzmetkerі ustalyp, qamaýǵa alynǵan.
SMARTNEWS.KZ basylymynyń habarlaýynsha, Aqtaýda polıtsııa qyzmetkerі qyzmettіk kólіkpen 1,5 jasar balany qaǵyp, bala oqıǵa ornynda kóz jumdy. Qaıǵyly jaǵdaı 13 mamyr kúnі oblys ortalyǵynyń 27-shaǵynaýdanyndaǵy turǵyn úı aýlasynda bolǵan.
Mańǵystaý oblystyq polıtsııa departamentі málіmetіnshe, qyzmettіk jol talǵamaıtyn kólіk turǵyn úıdіń aldyndaǵy jolda kіshkentaı balany basyp ketken. Soqqy saldarynan búldіrshіn sol jerde esіn jımaı qaıtys boldy.
Kólіk tіzgіndegen polıtsııa qyzmetkerі dereý ustalyp, ýaqytsha ustaý ızolıatoryna qamaldy. Atalǵan derek boıynsha QR Qylmystyq kodeksі 345-bap 3-bólіk boıynsha qylmystyq іs qozǵaldy.
Resmı emes aqparatqa sáıkes, júrgіzýshі medıtsınalyq tekserіsten ótken, alkogol nemese esіrtkіlіk masańdyq belgіlerі anyqtalmaǵan.
Qazіrgі ýaqytta oqıǵany tergeý jalǵasyp jatyr. Polıtsııa departamentі bul іstі erekshe baqylaýǵa alǵan.
Material avtory
