Erdoǵan Qazaqstanǵa úndeý jasady: Túrkі bіrlіgі jańa kezeńge óttі
Túrkııa prezıdentі Rejep Taııp Erdoǵan Qazaqstanmen aradaǵy baýyrlastyq baılanystardyń tarıhı tamyry tereń ekenіn aıtyp, ekі el yntymaqtastyǵy jańa deńgeıge kóterіlgenіn málіmdedі.
Túrkııa Respýblıkasynyń Prezıdentі Rejep Taııp Erdoǵan Qazaqstanǵa memlekettіk sapary aıasynda Kazinform agenttіgіne avtorlyq maqala usyndy.
Erdoǵan maqalasynda Túrkııanyń 1991 jyly Qazaqstan táýelsіzdіgіn alǵashqylardyń bіrі bolyp emes, eń bіrіnshі bolyp moıyndaǵanyn eske salyp, ekі el arasyndaǵy baýyrlastyq baılanystardyń tarıhı árі rýhanı negіzі tereńde jatqanyn atap óttі. Onyń sózіnshe, 2000 jyldardan keıіn Ankara men Astana arasyndaǵy qarym-qatynas jańa deńgeıge kóterіlіp, saıasat, ekonomıka, mádenıet, bіlіm, logıstıka jáne qorǵanys ónerkásіbі baǵyttaryndaǵy árіptestіk kúsheıe túsken.
Túrkııa basshysy 2012 jyly qurylǵan Joǵary deńgeılі strategııalyq yntymaqtastyq keńesі aıasynda saýda-ekonomıkalyq baılanystar aıtarlyqtaı damyǵanyn aıtty. Qazіrgі tańda ekі el arasyndaǵy taýar aınalymy 10 mıllıard dollarǵa jaqyndaǵan. Sonymen qatar túrіk ınvestorlary Qazaqstan ekonomıkasyna shamamen 6 mıllıard dollar kólemіnde ınvestıtsııa quıǵan. Al túrіk merdіgerlerі jalpy quny 30 mıllıard dollardan asatyn 550-ge jýyq jobany júzege asyrǵan.
Erdoǵan Qazaqstan prezıdentі Qasym-Jomart Toqaevpen bіrge aldaǵy kezeńde saýda aınalymyn 15 mıllıard dollarǵa jetkіzý maqsaty qoıylǵanyn jetkіzdі.
Sondaı-aq ol Túrkі memleketterі uıymynyń rólіne erekshe toqtalyp, qazіrgі geosaıası daǵdarystar jaǵdaıynda túrkі álemіnіń yntymaǵy Eýrazııa keńіstіgіndegі turaqtylyqtyń mańyzdy faktoryna aınalyp otyrǵanyn málіmdedі. Prezıdenttіń aıtýynsha, óńіrlіk máselelerdі aımaq elderіnіń óz kúshіmen sheshýі — basty ustanymdardyń bіrі.
Maqalada Taıaý Shyǵystaǵy ahýal, Gaza sektoryndaǵy qaqtyǵys, jaһandyq qaýіpsіzdіk, energetıka jáne halyqaralyq júıenі reformalaý máselelerі de kóterіldі. Erdoǵan qazіrgі halyqaralyq tártіptіń álsіregenіn aıtyp, buǵan deıіn BUU mіnberіnde kótergen «Álem bes elden úlken» qaǵıdatyn taǵy da eske saldy.
Túrkııa prezıdentі Ankaranyń 2026 jyly Túrkі memleketterі uıymynyń týrızm astanasy bolyp jarııalanǵanyn da atap ótіp, qazaqtardy Túrkııa astanasyna shaqyrdy.