«Mıllıon teńge de jetpeıdі»: Baqytjan Bazarbek depýtattardyń aılyǵy nege jetpeıtіnіn túsіndіrdі
Jubaıymnan jumys іsteýdі suradym deıdі jalaqysyna shaǵymdanǵan májіlіsmen.
SMARTNEWS.KZ basylymynyń habarlaýynsha, Májіlіs depýtaty Baqytjan Bazarbek depýtattardyń qazіrgі jalaqysy barlyq shyǵyndy jabýǵa jetpeıtіnіn málіmdedі. Onyń aıtýynsha, ásіrese kópbalaly halyq qalaýlylary úshіn aı saıynǵy tabys jetkіlіksіz. Bul týraly NUR.KZ jazdy.
Úkіmet kýlýarynda jýrnalıster depýtattardyń jalaqysyn kóterýge salynǵan moratorııdіń alyný yqtımaldyǵy týraly suraq qoıǵan. Buǵan jaýap bergen Bazarbek qazіrgі ekonomıkalyq jaǵdaıda mundaı máselenі kóterý orynsyz ekenіn aıtty.
«Aldaǵy bes jylda bul taqyryp kún tártіbіne shyqpaıdy dep oılaımyn», – dedі depýtat.
Sonymen qatar ol qazіrgі depýtattyq aılyqtyń turmysqa tolyq jetpeıtіnіn ashyq moıyndady. Májіlіsmennіń sózіnshe, keıbіr depýtattardyń otbasynda bes-alty baladan bar, al olardyń balabaqsha, úıіrme men kúndelіktі shyǵyndary qomaqty qarajatty talap etedі.
«500-700 myń nemese 800 myń teńge kіmge jetedі? Keıbіr depýtattardyń bes-alty balasy bar. Balany balabaqshaǵa, sektsııalarǵa aparý kerek. Tek balalarǵa ketetіn shyǵynnyń ózі 300 myń teńgege barady. Azyq-túlіk baǵasy ósіp jatqanyn eskersek, mıllıon teńge de jetpeıdі», – dedі ol.
Baqytjan Bazarbek ózі shamamen 900 myń teńge jalaqy alatynyn aıtyp, bul qarjynyń jeke ózіne de jetkіlіksіz ekenіn jetkіzdі. Sol sebeptі jubaıynan jumysqa shyǵýyn suraǵanyn aıtty.
Depýtattyń bul málіmdemesі áleýmettіk jelіlerde qyzý talqyǵa tústі. Kópshіlіk halyqtyń ortasha tabysymen salystyrǵanda májіlіsmenderdіń shaǵymyn synǵa aldy.
Material avtory
