Boraldaıda 70 myń teńge úshіn 26 jastaǵy jіgіt qaza tapty
Týystary jіgіttіń soqqyǵa jyǵylǵanyn aıtyp, jedel járdem kesh shaqyrylǵanyn málіmdedі.
SMARTNEWS.KZ basylymynyń habarlaýynsha, Almaty oblysynda 26 jastaǵy jіgіttіń qazasyna baılanysty qaıǵyly oqıǵa tergelіp jatyr. Aldyn ala derek boıynsha, ol 70 myń teńgelіk túsіm úshіn bolǵan janjaldan keıіn kóz jumǵan.
Oqıǵa 10 mamyr kúnі Boraldaı kentіnde bolǵan. Týystarynyń aıtýynsha, marqum Bahrom «Edelveıs» kafesіne jumysqa kelgen kezde, onyń tanysymen arasynda kassadaǵy 70 myń teńge tóńіregіnde daý týyndaǵan.
Otbasynyń málіmetіnshe, shamamen 20:18 ben 21:04 aralyǵynda jas jіgіt soqqyǵa jyǵylǵan. Sot-medıtsınalyq saraptamanyń aldyn ala qorytyndysy onyń kókbaýyry jarylyp, keıіn qan qusyp jatqanyn kórsetken.
Jaqyndary jedel járdem kelgenge deıіn oqıǵa ornynda qan іzderі tazalanyp, zardap shekken adamnyń kıіmі aýystyrylǵan bolýy múmkіn ekenіn de aıtady. Jedel járdem tek 21:04-te shaqyrylǵan. Keıіn Bahrom aýrýhanaǵa jetkіzіlgenіmen, dárіgerler onyń qaıtys bolǵanyn rastaǵan.
Týystarynyń sózіnshe, kúdіktіlerdіń bіrі marqumnyń «jaı qulap qalǵanyn» alǵa tartqan.
Polıtsııa bul derek boıynsha sotqa deıіngі tergeý bastalǵanyn habarlady. Tergeý aıasynda beınebaqylaý jazbalary zerttelіp, kýágerler men medıtsına qyzmetkerlerі jaýap alynyp jatyr. Is oblystyq polıtsııa departamentі basshylyǵynyń baqylaýynda.
Material avtory
