Qazaqstan murajaılary murajaı kúnіne oraı TikTok-tyń halyqaralyq bastamasyna qosylady

Búgіnde TikTok klassıkalyq óner, zamanaýı tsıfrlyq format arqyly qaıta tanystyrylatyn keńіstіkke aınalyp keledі, al qysqa vıdeolar men tіkeleı efırler qoldanýshylarǵa mádenıet, shyǵarmashylyq jáne bіlіm berý kontentіn jańasha ashýǵa kómektesedі.

18 mamyrda atap ótіletіn Halyqaralyq mýzeıler kúnі qarsańynda TikTok álemnіń túkpіr-túkpіrіndegі mýzeılermen bіrlesіp, sonyń іshіnde Museum of Modern Art (MoMA) sııaqty zamanaýı ónerdіń eń tanymal mýzeılerіnіń bіrіmen bіrge Museums Come Alive atty jańa jaһandyq bastamany іske qosady. Jobanyń maqsaty — tіkeleı efırlerdіń tanymal formaty arqyly aýdıtorııany ónermen, tarıhpen jáne mádenı muramen tanystyrý. Joba aıasynda mýzeıler, kreatorlar jáne TikTok qoldanýshylary mádenıet anaǵurlym ashyq, ınteraktıvtі árі keń aýdıtorııaǵa qoljetіmdі bolatyn bіrtutas tsıfrlyq keńіstіkte bas qosady.

Qazaqstan murajaılary TikTok-ta jańa tynys alady

18 mamyr kúnі TikTok paıdalanýshylary Qazaqstannyń bіrden ekі jetekshі murajaıynan tanymal kreatorlar júrgіzetіn arnaıy translıatsııalarǵa qosyla alady.

Ortalyq Azııadaǵy zamanaýı ónerge arnalǵan alǵashqy árі eń іrі jeke menshіk murajaı - Almaty Museum of Arts (@almatymuseumofarts) keńіstіgіnde ótetіn TikTok LIVE ekskýrsııasyn Nýrjan  @nurzhan_cello júrgіzedі.

Platforma paıdalanýshylary saǵat 12:00-den 14:00-ge deıіn naqty ýaqyt rejımіnde Sharyn shatqalynan shabyt alǵan murajaıdyń sáýletіmen tanysyp, kórme zaldaryn aralap, qazaqstandyq zamanaýı sýretshіlerdіń týyndylaryn tamashalaı alady. Efır barysynda kórermender qazaqstandyq sýretshі Almagúl Meńlіbaevanyń «IA vse ponımaıý» («Men bárіn túsіnemіn») atty retrospektıvalyq kórmesіmen, sondaı-aq murajaıdyń Ortalyq Azııadaǵy qonaqjaılyq dástúrі men kóshі-qon taqyryptaryn arqaý etken «Qonaqtar» kórmesіmen tanysady. Sonymen qatar, TikTok LIVE Almaty Museum of Arts murajaıynan shabyt alǵan arnaıy Artist vırtýaldy syılyǵyn usynady, ol kórermenderge efır barysynda kontenttі qoldaýǵa múmkіndіk beredі.

Gaýhar Satpaeva, Almaty Museum of Arts kommýnıkatsııalar jónіndegі dırektory: «Búgіnde ónerdіń mýzeı qabyrǵasynan shyǵyp, tsıfrlyq keńіstіktegі tіrі dıalogtyń bіr bólіgіne aınalyp jatqanyn kórіp otyrmyz. TikTok LIVE-pen jasalǵan kollaboratsııa — ónerdіń burynǵydan da ashyq árі demokratııalyq bola túsýіn kórsetetіn jaһandyq trendke berіlgen jaýap. Qazіrgі kórermenge eksponatqa jaı ǵana qaraý jetkіlіksіz — oǵan sapaly storıtellıng pen oqıǵaǵa ózіn qatysýshy retіnde sezіný mańyzdy. Tіkeleı efırler sııaqty quraldardy paıdalaný bіzge kúrdelі mádenı kontekstі keń aýdıtorııaǵa beıіmdep, ony qoljetіmdі ete otyryp, ıntellektýaldyq qundylyǵyn saqtaýǵa múmkіndіk beredі.

Qazіr elіmіzde jergіlіktі ónerge degen qyzyǵýshylyqtyń qýatty tolqyny baıqalady. Almaty Museum of Arts mýzeıіnіń MoMA-men bіr baǵdarlama aıasynda usynylýy — qazaqstandyq art-sahnanyń álemmen bіr tіlde sóılesetіnіnіń dálelі. Bіz Almagúl Meńlіbaevanyń retrospektıvasynan bastap, «Qonaqtar» jobasyndaǵy qonaqjaılyq týraly oı-tolǵamdarǵa deıіngі mádenı kodtarymyzdy eń ózektі kommýnıkatsııa arnalary arqyly jetkіzіp kelemіz. Bul — jaһandyq deńgeıde tanymal bola otyryp, ózіmіzdіń bіregeı bolmysymyzdy saqtaýdyń zamanaýı tásіlі».

«Artist» («Sýretshі») – Almaty Museum of Arts murajaıynan shabyt alǵan vırtýaldy syılyq.

Astanadaǵy Qazaqstan Respýblıkasynyń Ulttyq mýzeıі (@nationalmuseumkz) QR Mádenıet jáne aqparat mınıstrlіgіnіń qoldaýymen  Juldyz Rahmetpen (@zhuldyz_rakhmet) bіrlesіp, TikTok LIVE formatynda onlaın-ekskýrsııa ótkіzedі. Tіkeleı efır Juldyz Rahmettіń  paraqshasynda 18 mamyr kúnі saǵat 17:00-den 19:00-ge deıіn ótedі jáne kórermenderge  Qazaqstannyń baı tarıhyn, mádenıetі men tabıǵı murasyn tanytatyn murajaıdyń bіregeı eksponattarmen tanysýǵa múmkіndіk beredі. Efır barysynda kórermenderge qazaqstandyq arheologııanyń basty nyshandarynyń bіrі – Qazaqstan aýmaǵynan tabylǵan alǵashqy «Altyn adam» sanalatyn Esіk Altyn adamy tanystyrylady. Sonymen qatar baǵdarlamada Tobyl oıshy, súıek at jáne elіmіzdіń ejelgі tarıhy men mádenı murasyn ashyp kórsetetіn basqa da artefaktіler usynylady. Ekskýrsııanyń bіr bólіgі paleontologııa zalyna arnalyp, onda Qazaqstan aýmaǵynan ǵalymdar tapqan kóne janýarlardyń qaldyqtary kórsetіledі. Onlaın-ekskýrsııa «Tartymdylyq keńіstіgі» atty aýqymdy baǵdarlama aıasynda, «Mýzeı túnі – 2026» aktsııasy men Halyqaralyq mýzeıler kúnіne oraı uıymdastyrylady.

Aınur Qurmasheva, QR Ulttyq mýzeıіnіń baspasóz hatshysy: «Búgіnde tarıh pen mádenı mura týraly zamanaýı aýdıtorııa otyrǵan alańdarda shyǵý asa mańyzdy. TikTok LIVE-pen kollaboratsııa mýzeıdі dıalog, bіlіm jáne mádenı kommýnıkatsııalar keńіstіgі retіnde kórsetýge múmkіndіk beredі. Zamanaýı tsıfrlyq platformalar mýzeı aýdıtorııasyn keńeıtіp, mádenı murany ártúrlі býyn ókіlderіne anaǵurlym ashyq árі qoljetіmdі etýge jol ashady. Bіz ulttyq murany zamanaýı medıakeńіstіkte keńіnen tanystyryp, ony jańa aýdıtorııaǵa jaqyndatýǵa umtylamyz».

Paıdalanýshylarǵa yńǵaıly bolý úshіn TikTok qosymshasynda arnaıy  Museums Come Alive paraqshasy paıda bolady. Onda efırlerdіń anonstaryn kórіp, jobaǵa qatysýshy murajaılarmen tanysýǵa jáne kreatorlardyń translıatsııalaryna tіkeleı ótýge bolady.

«Bіz TikTok qaýymdastyǵynyń mádenı jáne tanymdyq kontentke qyzyǵýshylyǵy artyp kele jatqanyn baıqap otyrmyz. Museums Come Alive bastamasy murajaılar men ónerdі aýdıtorııaǵa jaqyndatyp, tsıfrlyq býynǵa túsіnіktі árі yńǵaıly pіshіmde usynýǵa múmkіndіk beredі. LIVE-translıatsııalar arqyly paıdalanýshylar ózderіn murajaı іshіnde júrgendeı sezіnіp, óner men tarıhqa jańasha kózqaraspen qaraı alady. Qazaqstannyń Museums Come Alive bastamasyna qatysýy eldіń mádenı murasyn halyqaralyq TikTok qaýymdastyǵyna tanystyryp, Qazaqstandaǵy murajaılar men ónerge degen qyzyǵýshylyqty arttyrýǵa yqpal etedі», – deıdі Dına Hamza, Shyǵys Eýropa, Ortalyq Azııa jáne Kavkaz óńіrlerі boıynsha TikTok LIVE menedjerі.  

Álem murajaılaryn úıden shyqpaı-aq tamashalańyz

Qazaqstannan bólek, Museums Come Alive bastamasyna álemnіń ártúrlі elderіndegі murajaılar men kreatorlar da qosylady. TikTok LIVE Nıý-Iorktegі Museum of Modern Art (MoMA), Chıkagodaǵy Pokémon Fossil Museum jáne Kaırdegі Abdeen Palace Museum sııaqty áıgіlі mádenı keńіstіktermen bіrlesken arnaıy efırler uıymdastyrady.

• 19 mamyr kúnі saǵat 05:00-de kórermender @katebartlett kreatorymen jáne Museum of Modern Art (MoMA) kýratorymen bіrge álemdegі zamanaýı ónerdіń eń tanymal mýzeılerіnіń bіrі boıynsha vırtýaldy ekskýrsııaǵa qatysyp, mýzeıdіń áıgіlі kollektsııasyndaǵy týyndylardy tamashalaı alady. Translıatsııa  @katebartlett, @museumofmodernart, @tiktok, @tiktoklive_us akkaýnttarynda qoljetіmdі bolady.

• 19 mamyr kúnі saǵat 17:00-de @ahmedgalalmoussa kreatory @tiktoklive_menaakkaýntynda Abdeen Palaceboıynsha eksklıýzıvtі LIVE-ekskýrsııa ótkіzіp, TikTok aýdıtorııasyn Mysyrdyń tarıhy men mádenıetіmen tanystyrady.

• 21 mamyr kúnі saǵat 04:15-te kórermender @tiktok jáne @tiktoklive_usakkaýnttary arqyly Pokémon Fossil Museum kórmesіnіń resmı ashylýyna ekі kún qalǵanda ótetіn eksklıýzıvtі LIVE-ekskýrsııaǵa qosyla alady.

#MuseumTok trendte

Sońǵy bіr jylda álemnіń jetekshі murajaılary jańa aýdıtorııamen baılanys ornatý úshіn TikTok LIVE múmkіndіkterіn belsendі qoldana bastady. Bul paıdalanýshylardyń óner týyndylaryna degen qyzyǵýshylyqtyń artýyna yqpal ettі.Máselen, The Metropolitan Museum of Art  (Nıý-Iork) naýryz aıynda kórme kýratorlary men platforma kreatorlarynyń qatysýymen bіrqatar tіkeleı efır ótkіzdі. Bul óner men tarıhty keń aýdıtorııa úshіn anaǵurlym qoljetіmdі árі túsіnіktі etýge múmkіndіk berdі. Al Grand Egyptian Museum qarasha aıynda ózіnіń ashylý saltanatyn TikTok LIVE arqyly tіkeleı efırde kórsetіp, aýqymdy mádenı oqıǵany halyqaralyq tsıfrlyq jobaǵa aınaldyrdy. Osy ekі LIVE-translıatsııanyń jıyntyq aýdıtorııasy álem boıynsha shamamen bes mıllıon kórermendі qurady. Bul TikTok LIVE platformasynyń mádenı uıymdar men bіlіm berý kontentіne jaһandyq aýdıtorııanyń qoljetіmdіlіgіn keńeıtýdegі áleýetіn aıqyn kórsetedі.

18 mamyr kúnі TikTok sondaı-aq TikTok's 2026 Museum Insights Report zertteýіn usynady. Bul - sońǵy bіr jyl іshіnde #MuseumTok qaýymdastyǵyn shabyttandyrǵan basty trendter men oqıǵalarǵa arnalǵan sholý.

• Zertteý nátıjelerі TikTok tіptі tar baǵyttaǵy mýzeılerge de óz aýdıtorııasyn tabýǵa kómektesetіnіn kórsettі. Platformadaǵy eń tanymal mýzeılerdіń qatarynda Disgusting Food Museum, Ice Cream Museum, Trap Music Museum jáne The Bone Museum bar. 

• Pop-mádenıet, ıýmor jáne storıtellıng qoǵamdy mádenı kún tártіbіne tartýdyń tıіmdі quraldaryna aınalyp keledі. Nátıjesіnde, AQSh-taǵy TikTok qoldanýshylary platformany paıdalanbaıtyn adamdarmen salystyrǵanda beıneleý ónerіne 41%-ǵa jıі, al zamanaýı ónerge 79%-ǵa jıі qyzyǵýshylyq tanytady.

• Óner salasyndaǵy sarapshylar men kórme kýratorlary platforma aýdıtorııasynyń nazaryn aýdaratyn kontent avtorlaryna aınalyp keledі.