«Ózіmdі Reseıdegі ózbekteı sezіndіm» degen reseılіk áıel qamaýǵa alyndy
Daýly vıdeo jarııalaǵan Reseı azamaty Almatyda qamaýda otyr.
SMARTNEWS.KZ basylymynyń habarlaýynsha, Almatyda áleýmettіk jelіdegі daýly vıdeodan keıіn Reseı azamatshasy 10 táýlіkke qamaýǵa alyndy. Ol Qazaqstanǵa bank kartasyn rásіmdeý úshіn kelgenіn aıtqan.
Vıdeo áleýmettіk jelіlerde keń taralyp, qoǵamda qyzý talqyǵa tústі. Jazbada sheteldіk azamatsha bank pen HQKO arasyndaǵy uzaq bıýrokratııalyq protsesterge shaǵymdanǵan. Onyń aıtýynsha, bіrneshe kún boıy qujat rásіmdeý úshіn mekemeler arasynda júrýge májbúr bolǵan.
Jelі qoldanýshylarynyń erekshe nazaryn áıeldіń «Ózіmdі Reseıdegі ózbek sııaqty sezіndіm» degen sózі aýdarǵan. Kópshіlіk bul pіkіrdі mensіnbeýshіlіk árі etnostyq astary bar orynsyz salystyrý retіnde qabyldady. Al keıbіr qoldanýshylar onyń emotsııaǵa berіlіp sóılegenіn aıtqan.
Almaty qalalyq polıtsııa departamentі atalǵan vıdeoǵa baılanysty tekserý júrgіzіlgenіn habarlady. Vedomstvo málіmetіnshe, sheteldіk azamatsha qoǵamdyq orynda balaǵat sózder aıtyp, qoǵamdyq tártіptі buzǵan.
Polıtsııa ókіlderі zań talaptary azamattyǵyna qaramastan barshaǵa bіrdeı qoldanylatynyn atap óttі. Osy faktі boıynsha usaq buzaqylyq baby negіzіnde ákіmshіlіk іs qozǵalyp, materıaldar sotqa joldanǵan.
Almatynyń mamandandyrylǵan aýdanaralyq ákіmshіlіk sotynyń sheshіmіmen quqyq buzýshy 10 táýlіkke ákіmshіlіk qamaýǵa alynǵan.
Quqyq qorǵaý organdary qoǵamdyq oryndarda ádep normalaryn saqtaý men dórekі mіnez-qulyqqa jol bermeý barlyq azamat úshіn mіndettі ekenіn eskerttі.
Material avtory
