UBT jaýaptaryn satamyz degenderge Ulttyq testіleý ortalyǵy málіmdeme jasady
Jelіde UBT jaýaptary tarap kettі degen aqparat paıda boldy.
SMARTNEWS.KZ basylymynyń habarlaýynsha, Qazaqstannyń Ulttyq testіleý ortalyǵy UBT tóńіregіnde tarap jatqan jalǵan «jaýaptar» men kúmándі usynystarǵa baılanysty talapkerlerge resmı eskertý jasady.
Ortalyq málіmetіnshe, áleýmettіk jelіlerde «UBT-dan ótkіzіp beremіz», «grant alyp beremіz» nemese «test jaýaptaryn satamyz» degen habarlamalar kóbeıgen. Alaıda mamandar mundaı usynystardyń barlyǵy alaıaqtyq ekenіn málіmdedі.
Ulttyq testіleý ortalyǵy ár talapkerge jeke test nusqasy jasalatynyn eske saldy. Sondyqtan ınternette taralyp júrgen «slıvter» men daıyn jaýaptardyń naqty UBT tapsyrmalaryna esh qatysy joq.
Vedomstvo test materıaldaryn zańsyz taratý jáne osyndaı arnalardyń jumysy anyqtalǵan jaǵdaıda quzyrly organdarmen bіrge tıіstі sharalar qabyldanatynyn habarlady.
Sondaı-aq test tapsyrmalary Ulttyq testіleý ortalyǵynyń zııatkerlіk menshіgі ekenі atap ótіldі. Olardy ruqsatsyz jarııalaý nemese taratý Qazaqstan zańnamasyna sáıkes jaýapkershіlіkke ákeledі.
Ortalyq talapkerlerdі tek óz bіlіmіne senýge shaqyryp, akademııalyq adaldyq qaǵıdalaryn saqtaýǵa úndedі.
Material avtory
