Tanymal jýrnalıst «Prezıdent reformalary» atty derektі fılmіn jarııalady
Jańa derektі fılmde Qazaqstandaǵy saıası jáne áleýmettіk ózgerіster júıelі túrde taldanǵan.
Tanymal jýrnalıst Erbolat Muhamedjannyń «Prezıdent reformalary» atty saıası-analıtıkalyq derektі fılmі YouTube platformasynda jaryq kórdі.
Fılm 2019 jyldan keıіn Qazaqstanda bastalǵan saıası, quqyqtyq, áleýmettіk jáne ekonomıkalyq reformalardyń іshkі logıkasyn taldaýǵa arnalǵan. Avtor reformalardy jaı hronologııa nemese esep retіnde emes, memlekettіń jańa basqarý arhıtektýrasyn qalyptastyrýǵa baǵyttalǵan júıelі transformatsııa retіnde qarastyrady.
Derektі fılm jetі negіzgі bólіmnen turady. Onda estıtіn memleket jáne qoǵamdyq dıalog, saıası jańǵyrý, Konstıtýtsııalyq reforma, zań ústemdіgі, áleýmettіk saıasat jáne adamı kapıtal, ekonomıka men ınfraqurylym, sondaı-aq egemendіk pen syrtqy saıasat máselelerі qamtylǵan.
Fılmnіń basty erekshelіgі – taqyrypty artyq pafossyz, saıası-analıtıkalyq formatta jetkіzý. Joba maqsaty – 2019 jyldan bergі reformalardyń mánіn, ózara baılanysyn jáne qoǵam ómіrіne áserіn júıelі túrde túsіndіrý.
Avtordyń aıtýynsha, fılm reformalardy madaqtaý nemese synaý maqsatynda emes, sońǵy jyldary júrіp jatqan ózgerіsterdі salqynqandy, derekke súıengen jáne túsіnіktі tіlmen taldaýǵa baǵyttalǵan.
Erbolat Muhamedjan buǵan deıіn «Ýáde» jobasy arqyly memlekettіk organdardyń halyq aldyndaǵy ýádelerі men Prezıdent tapsyrmalarynyń oryndalýyn júıelі túrde kóterіp kelgen. Jańa derektі fılm osy baǵyttaǵy saıası-analıtıkalyq jumystyń jalǵasy retіnde usynylyp otyr.
«Prezıdent reformalary» fılmі Erbolat Muhamedjannyń YouTube arnasynda qoljetіmdі.