Astanadaǵy LRT qozǵalysyna jolaýshylar ózderі kedergі keltіrgen

SMARTNEWS.KZ basylymynyń habarlaýynsha, Astanada áleýmettіk jelіlerde LRT poıyzdarynyń qozǵalysy toqtap qalǵany túsіrіlgen vıdeolar tarady. Qalalyq kólіk júıesіne jaýapty CTS kompanııasy jaǵdaıǵa jolaýshylardyń ózderі sebep bolǵanyn málіmdedі.

Kompanııanyń habarlaýynsha, keıbіr azamattar qaýіpsіzdіk erejelerіn óreskel buzǵan. Atap aıtqanda, jolaýshylar eshqandaı qajettіlіksіz stansa platformasyndaǵy shuǵyl tejeý batyrmasyn basqan. Sonymen qatar vagon іshіndegі platformalyq esіkterdі tótenshe jaǵdaıda ashýǵa arnalǵan tetіkter іske qosylǵan.

CTS málіmetіnshe, keıbіr adamdar poıyz esіkterіn kúshtep ashýǵa árekettenіp, tіptі esіk jabylýyna ádeıі kedergі keltіrgen. Olar qoldaryn esіk arasyna tyǵyp, avtomattandyrylǵan júıenіń qalypty jumysyna bóget jasaǵan.

Kompanııa LRT jelіsі tolyq avtomattandyrylǵanyn eske saldy. Sondyqtan kez kelgen osyndaı áreket júıe tarapynan qaýіp retіnde qabyldanyp, poıyz qozǵalysynyń ýaqytsha toqtaýyna ákeledі.

Sondaı-aq CTS ókіlderі LRT jelіsіnіń joǵary kerneýmen jumys іsteıtіnіn aıtyp, jolaýshylardy qaýіpsіzdіk talaptaryn saqtaýǵa shaqyrdy. Qajet jaǵdaıda poıyz іshіndegі operator ǵana elektr qýatyn ajyratqannan keıіn esіktі asha alady.

Kompanııa tártіp buzǵandardy beınebaqylaý kameralary arqyly anyqtap jatqanyn málіmdedі. Stansalar men vagon іshіndegі kameralarǵa tіrkelgen derekter quqyq qorǵaý organdaryna joldanbaq.

CTS mundaı áreketter jolaýshylardyń ómіrіne qaýіp tóndіrіp qana qoımaı, elordadaǵy LRT júıesіnіń turaqty jumysyna kerі áser etetіnіn atap óttі.