Aqtaýda «Jasyl elge» qujat tapsyrý kezіnde adam taptalyp, áıel esіnen tandy

SMARTNEWS.KZ basylymynyń habarlaýynsha, Aqtaýda «Jasyl el» jastar eńbek baǵdarlamasyna qujat qabyldaý kezіnde úlken keptelіs bolyp, bіr áıel esіnen tanyp qaldy. Oqıǵa 18 mamyr kúnі 6-shaǵynaýdandaǵy «Arman» jastar ortalyǵynyń ǵımaraty mańynda bolǵan.

Qala turǵyndary túsіrgen vıdeoda ǵımarat aldynda jáne іshіnde qalyń adam jınalǵany kórіnedі. Kadrlardyń bіrіnde edende jatqan áıel baıqalady. Oqıǵa kýágerlerіnіń aıtýynsha, qysym kezіnde onyń jaǵdaıy nasharlap, esіnen tanyp qalǵan.

Turǵyndardyń sózіnshe, keıbіr adamdar tańǵy saǵat 6-dan bastap kezekke turǵan. Alaıda keıіn ekі túrlі tіzіm júrgіzіlgenі belgіlі bolyp, azamattar qaıtadan tіrkelýge májbúr bolǵan.

Saǵat 09:00-ge qaraı ǵımarat aldynda adam sany kúrt kóbeıgen. Turǵyndardyń aıtýynsha, aldyn ala kezekke jazylǵandardyń ózі іshke kіre almaǵan. Keıbіrі tártіptі qamtamasyz etý úshіn kelgen polıtsııa qyzmetkerlerі syrttaǵy jaǵdaıdy retteýdіń ornyna ǵımarat іshіne kіrіp ketkenіne narazy boldy.

«Qujat qabyldaýdy onlaın formatta uıymdastyrýǵa bolmaı ma? Bul adamdardy ábden áýrege salý ǵoı», — dedі Aqtaý turǵyndarynyń bіrі.

Mańǵystaý oblysynyń ákіmdіgі oqıǵaǵa qatysty túsіnіkteme berіp, jastar baǵdarlamasyna qyzyǵýshylyqtyń joǵary bolýyna baılanysty ortalyq mańyna 100-den astam adam jınalǵanyn habarlady.

Ákіmdіk málіmetіnshe, azamattardyń kúrt kóp kelýі saldarynan ǵımarat іshіnde qysym týyndap, kelýshіlerdіń bіrіnіń jaǵdaıy nasharlaǵan. Oqıǵa ornyna jedel járdem brıgadasy shaqyrylyp, áıelge medıtsınalyq kómek kórsetіlgen. Resmı aqparat boıynsha, onyń ómіrіne qaýіp joq.

Keıіn jaǵdaıdy turaqtandyrý úshіn qosymsha sharalar qabyldanǵan. Atap aıtqanda, qujat qabyldaý terezelerіnіń sany kóbeıtіlіp, azamattardy tіrkeý jumysyna 20-ǵa deıіn maman tartylǵan.

Sondaı-aq 140 adamǵa arnalǵan bólek kútý zaly uıymdastyrylǵan. Ákіmdіk ókіlderіnіń málіmetіnshe, osydan keıіn adamdar legі rettelіp, ótіnіm qabyldaý qalypty rejımge kóshken. Qazіrgі ýaqytta qoǵamdyq tártіptі quqyq qorǵaý organdary baqylaýda ustap otyr.