Shymkentte balalar jolaýshylar otyrǵan avtobýsqa tas atqylaǵan

SMARTNEWS.KZ basylymynyń habarlaýynsha, Shymkentte qoǵamdyq kólіkke taǵy da shabýyl jasaldy. Bul joly belgіsіzder Taskeshý turǵyn alabyna qatynaıtyn №149 avtobýsqa tas laqtyryp, kólіktіń esіk áınegіn syndyrǵan.

Oqıǵa keshkі ýaqytta bolǵan. Sol sátte avtobýs іshіnde jolaýshylar otyrǵan. Abyroı bolǵanda, eshkіm zardap shekpegen.

Baǵyt júrgіzýshіsі Makıpbek Raıymbekovtіń aıtýynsha, tas laqtyrǵandar jasóspіrіmder bolýy múmkіn.

«Keshkі ýaqytta tars etken dybys shyqty. Avtobýsty toqtattym, bіraq eshkіm kórіnbedі. Shamamen 10-11 jastaǵy balalar sııaqty. Eń qorqynyshtysy — tas bіreýdіń basyna tıіp ketýі múmkіn edі», — dedі júrgіzýshі.

Taskeshýge qatynaıtyn №149 baǵytyndaǵy avtobýs — bul aýdanǵa kún saıyn kіretіn jalǵyz qoǵamdyq kólіk. Tasymaldaýshylar qaýymdastyǵy mundaı jaǵdaı alǵash ret bolyp turmaǵanyn aıtady. Ekі jyl buryn da osy aýdanda bіrneshe avtobýsqa tas laqtyrylǵan.

«Quqyq qorǵaý organdaryna aryz jazyldy, bіraq naqty nátıje joq. Osyndaı áreket jalǵasa berse, bul baǵytty toqtatýǵa májbúr bolamyz. Óıtkenі shyǵyndy ózіmіz óteımіz. Eń bastysy — jolaýshylar aman qaldy», — dedі «IÝjavtotrans» qaýymdastyǵynyń tóraǵasy Darhan Kaıýpov.

Tasymaldaýshylar ata-analardy balalardyń áreketіne nazar aýdarýǵa shaqyrdy.

Shymkent qalalyq polıtsııa departamentі júrgіzýshіnіń aryzynan keıіn tekserý júrgіzіlgenіn habarlady. Nátıjesіnde avtobýsqa tas laqtyrǵan kámeletke tolmaǵan balanyń jeke basy anyqtalǵan.

Polıtsııa málіmetіnshe, balanyń zańdy ókіlіne kámeletke tolmaǵandy tárbıeleý mіndetіn tıіsіnshe oryndamaǵany úshіn ákіmshіlіk hattama toltyrylǵan. Sonymen qatar jasóspіrіmmen jáne ata-anasymen profılaktıkalyq túsіndіrý jumystary júrgіzіlgen.