«Esі durys emes»: Shymkentte áıeldі emhanada óltіrgen er adam túrmeden bosatyldy
Qandy oqıǵa bıyl qańtarda emhanadan shyqqan áıelge jasalǵan shabýyldan keıіn bolǵan edі.
SMARTNEWS.KZ basylymynyń habarlaýynsha, Shymkentte emhana mańynda áıeldі óltіrdі dep aıyptalǵan er adam qylmystyq jaýapkershіlіkten bosatyldy. Sot ony esі durys emes dep tanyp, psıhıatrııalyq statsıonarǵa májbúrlі emdeýge jіberý týraly sheshіm shyǵardy.
Sot materıaldaryna sáıkes, keshendі psıhologııalyq-psıhıatrııalyq saraptama kúdіktіnіń qylmys jasaǵan sátte óz áreketіn tolyq túsіnbegenіn kórsetken. Mamandar oǵan paranoıdty sındrommen asqynǵan aýyr formadaǵy paranoıdty shızofrenııa dıagnozyn qoıǵan.
Sýdıa Baqytjan Týnalıev sot otyrysynda kúdіktіnіń qoǵamdyq qaýіptі áreketterіnіń mánіn túsіnýge qabіletsіz bolǵanyn málіmdedі. Osyǵan baılanysty oǵan qatań baqylaýdaǵy arnaıy psıhıatrııalyq mekemede májbúrlі em taǵaıyndalǵan. Emdeý merzіmі shektelmegen.
Tergeý málіmetіnshe, qylmys bıyl qańtar aıynda bolǵan. Kúndіz emhanadan qaıtyp kele jatqan áıelge beıtanys er adam kóshede shabýyl jasaǵan. Kúdіktі asúı pyshaǵymen áıeldіń ómіrlіk mańyzdy tustaryna bіrneshe ret soqqy jasaǵan. Zardap shegýshі jedel járdem jetkenge deıіn kóp qan joǵaltýdan kóz jumǵan.
Polıtsııa kúdіktіnі bіrden ustaı almaǵan. Ol qarsylyq kórsetіp, oqıǵa ornynan qashýǵa tyrysqan. Ustaý kezіnde tártіp saqshylary oǵan oq atýǵa májbúr bolǵan.
Keıіn anyqtalǵandaı, bul adam buǵan deıіn terrorızmdі nasıhattady degen aıyppen sottalǵan.
Material avtory
