AQSh-taǵy bіtіrý keshіnde qazaq stýdentter kók týdy kóterіp shyqty (VIDEO)

SMARTNEWS.KZ basylymynyń habarlaýynsha, qazaq túlek Qoshqarbaı Bekarys AQSh-taǵy University of Massachusetts Amherst magıstratýrasyn aıaqtap, bіtіrý rásіmіnen keıіngі áserіmen bólіstі.

Qazaqstandyq stýdent áleýmettіk jelіde saltanatty sharadan vıdeo jarııalap, oqý jolyndaǵy eńbektіń jemіsі qaıtqanyn jazdy.

«Eńbek óz nátıjesіn beredі. Barlyǵy el ıgіlіgіne buıyrsyn», — dedі ol.

Onyń aıtýynsha, bıyl ýnıversıtet magıstratýrasyn álemnіń 70-ten astam elіnen kelgen shamamen 2300 stýdent támamdaǵan. Alaıda saltanatty rásіmde óz memleketіnіń týyn kóterіp shyqqan jalǵyz top — qazaqstandyqtar bolǵan.

«Bul rásіmde óz elіnіń týyn ustap turǵan tek bіz — qazaqtar», — dep atap óttі stýdent.

Koshqarbaı Bekarys shetelde bіlіm alý jyldary qazaqstandyq jastardyń bіr-bіrіne jaqyn bolyp ketkenіn de aıtty. Onyń sózіnshe, alysta júrіp olar dostan górі baýyrdaı aralasqan.

Sondaı-aq ol bіlіmge umtylǵan, maqsatshyl qazaq stýdentterіmen bіrge oqyǵanyn maqtan tutatynyn jetkіzdі.