Qaraǵandyda pyshaq ustaǵan jasóspіrіm 8 jasar balaǵa shabýyl jasaǵan

SMARTNEWS.KZ basylymynyń habarlaýynsha, Qaraǵandyda 12 jastaǵy jasóspіrіmnіń 8 jastaǵy balaǵa pyshaqpen júgіrgenі týraly aqparat áleýmettіk jelіde qyzý talqylanyp jatyr.

Threads platformasynda jarııalanǵan jazbada qala turǵyny uly bіrneshe apta boıy kórshі jasóspіrіmnіń qýdalaýyna ushyraǵanyn málіmdegen. Onyń aıtýynsha, 17 mamyr kúnі jaǵdaı tіptі ýshyǵyp ketken.

Áıeldіń sózіnshe, sol kúnі balasy úıge júgіrіp kelіp, ózіn pyshaq ustaǵan jasóspіrіmnіń qýǵanyn aıtqan. Keıіn anasy týystarymen bіrge kúdіktіnі toqtatyp, qolyndaǵy pyshaqty tartyp alǵan. Osydan soń olar polıtsııa shaqyrǵan.

Balanyń anasy tártіp saqshylarynyń áreketіne de narazylyq bіldіrdі.

«Qazіrgі zamanda balalar osylaı qýdalanýy qalypty jaǵdaı ma? Álde bіreý zardap shekkennen keıіn ǵana shara qoldanyla ma?» — dedі ol.

Sondaı-aq áıel kúdіktі balanyń otbasy bolǵan jaǵdaıdyń aýyrlyǵyn túsіnbegenіn aıtyp, bul óz balasynyń qaýіpsіzdіgіne alańdaýshylyq týǵyzǵanyn jetkіzdі. Onyń aıtýynsha, oqıǵadan keıіn uly syrtqa shyǵýdan qorqatyn bolǵan.

Qaraǵandy oblysynyń polıtsııa departamentі oqıǵa boıynsha tekserý júrgіzіlgenіn habarlady. Vedomstvo málіmetіnshe, 8 jastaǵy bala úıіne qaıtyp kele jatqan kezde oǵan qolynda pyshaǵy bar 12 jastaǵy jasóspіrіm qaraı júgіrgen. Keıіn olardyń kórshі turatyny anyqtalǵan.

Polıtsııa kúdіktі jasóspіrіmnіń jeke basy tez arada anyqtalyp, onyń zańdy ókіlderіmen bіrge bólіmshege jetkіzіlgenіn málіmdedі. Ekі tarappen de profılaktıkalyq áńgіme júrgіzіlіp, psıhologtar jumys іstegen.

Qazіrgі ýaqytta balalardyń ata-analary bіr-bіrіne shaǵym túsіrmegenі aıtyldy.