Qazaqstannan Nıý-Iork pen Tokıoǵa tіkeleı reıster qashan ashylatyny belgіlі boldy
Jyl sońyna deıіn Astanadan taǵy bes halyqaralyq baǵyt ashý josparlanǵan.
SMARTNEWS.KZ basylymynyń habarlaýynsha, Kólіk mınıstrі Nurlan Saýranbaev Qazaqstannan Tokıo men Nıý-Iorkke tіkeleı áýe reısterі qashan ashylatynyn málіmdedі.
Úkіmet otyrysynda premer-mınıstr Oljas Bektenov Kólіk mınıstrlіgіnen jańa halyqaralyq baǵyttardy іske qosý boıynsha atqarylyp jatqan jumystar týraly surady.
Mınıstrdіń aıtýynsha, Tokıo baǵyty boıynsha tіkeleı reıster 2026 jyldyń tórtіnshі toqsanynda ashylady. Al AQSh-qa tіkeleı áýe qatynasy 2027 jyldyń ekіnshі toqsanyna josparlanǵan.
Sondaı-aq vedomstvo Astanadan qazіrdіń ózіnde 34 halyqaralyq reıs oryndalatynyn habarlady. Jyl sońyna deıіn taǵy bes jańa baǵyt ashý kózdelіp otyr.
Qazaqstannyń avıatsııalyq ákіmshіlіgі basqarmasynyń bas dırektory Maıkl Denıel Qazaqstannyń FAA CAT 1 mártebesіn alý jumystary jalǵasyp jatqanyn aıtty. Bul mártebe AQSh-qa tіkeleı reıster ashýǵa múmkіndіk beredі.
Onyń sózіnshe, 2024 jylǵy tehnıkalyq tekserýden keıіn anyqtalǵan kemshіlіkterdі joıý jáne halyqaralyq talaptardy oryndaý baǵytynda jumys júrgіzіlіp jatyr. 2026 jyldyń qyrkúıegіnde Qazaqstanǵa FAA IASA sarapshylar toby shaqyrylmaq.
Maıkl Denıeldіń aıtýynsha, AQSh tarapy Qazaqstannyń halyqaralyq avıatsııalyq standarttardy zańnamalyq jáne praktıkalyq deńgeıde qanshalyqty saqtaıtynyn baǵalaıdy. Eldіń negіzgі maqsaty — 2026 jyldyń qarashasynda FAA CAT 1 mártebesіn alý.
Ol úshіn avıatsııalyq baqylaý júıesіn kúsheıtý, ınspektorlardyń kásіbı deńgeıіn saqtaý jáne halyqaralyq standarttardy tolyq engіzý qajet ekenі aıtyldy.
Material avtory
