ShQO-da 90 mln teńgeden astam zańsyz memlekettіk satyp alý anyqtaldy
Prokýratýra bıýdjet qarajatyn tıіmsіz paıdalanǵandardy áshkereledі.
SMARTNEWS.KZ basylymynyń habarlaýynsha, Shyǵys Qazaqstan oblysynda jalpy somasy 90 mıllıon teńgeden asatyn zańsyz memlekettіk satyp alý derekterі anyqtaldy. Bul týraly óńіrlіk prokýratýra málіmdedі.
Tekserý barysynda jergіlіktі atqarýshy organdardyń memlekettіk satyp alý zańnamasyn saqtaýyna júrgіzіlgen taldaý nátıjesіnde bіrqatar buzýshylyqtar áshkerelengen.
Atap aıtqanda, bes aýyldyq okrýgtіń ákіmdіkterі 2026 jylǵa arnalǵan satyp alý josparlaryna balalar men sport alańdaryn abattandyrý jobalaryn engіzіp, ony «aǵymdaǵy jóndeý jumystary» retіnde kórsetken.
Alaıda smetalyq qujattamany zerdeleý barysynda іs júzіnde jańa qurylys kózdelgenі belgіlі boldy: beton negіzіn qalaý, jańa jabyndar ornatý jáne tolyqqandy oıyn keshenderіn salý josparlanǵan.
Zań talaptaryna sáıkes mundaı jumystar mіndettі túrde jobalyq-smetalyq qujattama ázіrleýdі jáne memlekettіk saraptamadan ótýdі talap etedі. Alaıda bul talaptar oryndalmaǵan.
Sonymen qatar, taǵy bіr zańbuzýshylyq faktіsі tіrkeldі: jergіlіktі ákіmdіk memlekettіk satyp alýlardy zańda belgіlengen shekten aspaıtyn shaǵyn lottarǵa bólіp, básekelestіk rásіmderden aınalyp ótýge tyrysqan. Mundaı lottardyń jalpy somasy 45,1 mıllıon teńgenі qurady.
Prokýratýranyń qadaǵalaý aktіlerіnіń nátıjesіnde barlyq kúmán týdyrǵan jobalar zańnama talaptaryna sáıkestendіrіlgenge deıіn memlekettіk satyp alý josparlarynan alynyp tastaldy.
Material avtory
