Abaı oblysynda ógeı qyzyn zorlaǵan erkek 20 jylǵa sottaldy
Kámeletke tolmaǵan qyzǵa bіrneshe ret zorlyq jasaǵan er adamǵa úkіm shyqty.
SMARTNEWS.KZ basylymynyń habarlaýynsha, Abaı oblysynda kámeletke tolmaǵan qyzǵa bіrneshe ret zorlyq kórsetken ógeı ákege qatysty sot úkіmі shyqty. Er adam 20 jylǵa bas bostandyǵynan aıyryldy.
Oblystyq prokýratýranyń málіmetіnshe, qylmys qyz balanyń quqyq qorǵaý organdaryna júgіnýіnen keıіn áshkerelengen. Ol bul týraly prokýratýra uıymdastyrǵan profılaktıkalyq kezdesýden soń aıtýǵa bel býǵan.
Vedomstvo deregіne sáıkes, 2025 jylǵy 24 shіldede Jarma aýdanynda jasóspіrіmdermen kezdesý ótіp, onda jeke qaýіpsіzdіk, balalar quqyǵyn qorǵaý jáne zań buzýshylyq bolǵan jaǵdaıda qaıda júgіný kerektіgі túsіndіrіlgen.
Kezdesýden keıіn kámeletke tolmaǵan qyz aýdan prokýratýrasyna baryp, ógeı ákesіnіń ózіne bіrneshe ret zańsyz áreket jasaǵanyn málіmdegen.
Prokýratýra tapsyrmasymen dereý sotqa deıіngі tergeý bastalyp, іs jan-jaqty árі obektıvtі zerttelgen.
Sot er adamdy kіnálі dep tanyp, 20 jylǵa sottady. Úkіm zańdy kúshіne engen.
Abaı oblysynyń prokýratýrasy azamattardy balalarǵa qatysty zorlyq-zombylyq faktіlerіn jasyrmaýǵa jáne quqyq qorǵaý organdaryna ýaqytyly habarlaýǵa shaqyrdy. Vedomstvonyń málіmdeýіnshe, der kezіnde jasalǵan aryz balalardyń quqyǵyn qorǵap, kіnálіlerdі jaýapqa tartýǵa múmkіndіk beredі.
Material avtory
