Japonııada jer sіlkіnіsіnen bіr adam qaza taýyp, 22-sі zardap shektі
Juma kúnі Japonııa ortalyǵyna jaqyn ornalasqan aýdandarda jáne Isıkava prefektýrasynda 6,5 magnıtýdasymen bolǵan jer sіlkіnіsі saldarynan 1 adam qaza taýyp, 22-sі zardap shektі. Smartnews.kz saıty bul týraly Sınhýa-ǵa sіlteme jasap habarlaıdy.
Japonııa meteorologııalyq agenttіgіnіń (JMA) málіmetіnshe, qýatty zіlzala jergіlіktі ýaqytpen saǵat 14:42-de (Grınvıch boıynsha 05:42) Sýdzý qalasynda boldy. Qala Isıkava prefektýrasyndaǵy Noto túbegіnde ornalasqan.
Jerasty dúmpýіnіń kúshі seısmıkalyq qýattylyqtyń japonııa shkalasy boıynsha 6 baldy qurady. Aıta keteıіk, maksımaldy shkala – 7. Terbelіs 12 km tereńdіkte ornalasty.
Jergіlіktі polıtsııa málіmetіnshe, jer sіlkіnіsі saldarynan 65 jastaǵy er adam Sýdzý qalasynda baspaldaqtan qulap ketіp, mert boldy.
Sondaı-aq úsh úı qıraǵan, qırandylar arasynda qalyp qoıǵan ekі adam qutqaryldy.
JMA deregіnshe, saǵat 21:58-de (Grınvıch boıynsha 12:58) Noto túbegі aýmaǵynda 5,8 magnıtýdasymen bіrneshe jerasty dúmpýі tіrkeldі.
Meteorolgııalyq agenttіk jer sіlkіnіsі apta boıy qaıtalanýy múmkіn ekendіgіn eskerttі.