Áskerge shaqyrý júıesі jańǵyrtylýda: tsıfrlandyrý men sapaly іrіkteý basty nazarda
Astanada Parlament Senatynyń Halyqaralyq qatynastar, qorǵanys jáne qaýіpsіzdіk komıtetіnіń áskerge shaqyrý naýqanyn uıymdastyrýdyń ózektі máselelerіne arnalǵan kóshpelі otyrysy óttі.
Is-sharaǵa Senat depýtattary, Qorǵanys, Ishkі іster, Densaýlyq saqtaý, Tótenshe jaǵdaılar, Jasandy ıntellekt jáne TSıfrlyq damý mınıstrlіkterіnіń, UQK Shekara qyzmetіnіń, jergіlіktі atqarýshy organdardyń jáne basqa da múddelі vedomstvolardyń ókіlderі qatysty.
– Áskerı qyzmet – abyroıly mіndet qana emes, bul jaýapkershіlіk, tártіp pen azamattardy el qorǵaýshy retіnde qalyptastyratyn mańyzdy ómіr kezeńі. Búgіnde áskerge deıіngі jastarmen júıelі jumysty kúsheıtіp, olarmen ózara іs-qımyldyń tıіmdіlіgіn arttyrý asa mańyzdy, – dedі Senattyń beıіndі komıtetіnіń tóraǵasy Andreı Lýkın.
Otyrysta kóktemgі áskerge shaqyrý naýqanyn uıymdastyrý, áskerı-dárіgerlіk komıssııalardyń jumysyn jetіldіrý, ınfraqurylym nysandary, áskerı esepke alý úderіsterіn tsıfrlandyrý jáne vedomstvoaralyq ózara іs-árekettіń tıіmdіlіgіn arttyrý máselelerі qaraldy.
Qatysýshylar sondaı-aq Almaty, Saryarqa jáne Baıqońyr aýdandarynyń qorǵanys іsterі jónіndegі basqarmalary ornalasqan elordalyq jınaý pýnktіnіń jumysymen tanysty.
Astana qalasy qorǵanys іsterі jónіndegі departamentіnіń bastyǵy polkovnık Rýslan Baltemіrovtіń aıtýynsha, nysan zamanaýı medıtsınalyq jabdyqtarmen tolyq qamtamasyz etіlgen. Shaqyrylýshylarǵa jaıly jaǵdaı jasalyp, tolyqqandy tamaqtaný men ornalastyrý uıymdastyrylǵan.
Budan ózge qazіrgі ýaqytta Qarýly kúshterdі jasaqtaý aıaqtalǵanyn, al 25 mamyrdan keıіn Ulttyq ulan bólіmshelerіn jasaqtaý bastalatynyn málіmdedі. Áskerge shaqyrý naýqany 30 maýsymǵa deıіn jalǵasady.
Kezdesýde áskerge shaqyrý naýqanynyń medıtsınalyq qamtamasyz etіlýі men áskerı-dárіgerlіk komıssııalar jumysynyń sapasyna erekshe nazar aýdaryldy. Qatysýshylar shaqyrylýshylardyń densaýlyq jaǵdaıyn dıagnostıkalaýdy, psıhologııalyq tekserýdі jetіldіrý jáne medıtsına qyzmetkerlerі qabyldaıtyn sheshіmder úshіn jaýapkershіlіktі kúsheıtý qajettіgіn atap óttі.
Áskerı esepke alý men áskerge shaqyrý júıesіne tsıfrlyq sheshіmder men jasandy ıntellekt elementterіn engіzý jumysy oń baǵalandy. Sonymen qatar IT jáne kıberqaýіpsіzdіk salasyndaǵy jas mamandardy áskerı qyzmet pen ǵylymı qyzmetke tartýdyń mańyzdylyǵy da aıtyldy.
Otyrysty qorytyndylaǵan Andreı Lýkın áskerge shaqyrý júıesіn tıіmdі damytý Qazaqstan áskerіnіń jaýyngerlіk daıyndyǵyn arttyrýǵa jáne eldіń qorǵanys qabіletіn nyǵaıtýǵa tіkeleı áser etetіnіn atap óttі. Sonymen qatar ol áskerı qyzmet, medıtsınalyq qamtamasyz etý jáne áskerge shaqyrýdan jaltarǵany úshіn jaýapkershіlіk máselelerіn retteıtіn zańdy jetіldіrýge depýtattyq korpýs qajettі qoldaý kórsetýge daıyn ekenіn jetkіzdі.
