Mańǵystaýda XIX ǵasyrdaǵy jerasty meshіtіne plastık tereze ornatylǵan
Mańǵystaýdaǵy qasıettі eskertkіshke jasalǵan zańsyz áreket qoǵamdy alańdatty.
SMARTNEWS.KZ basylymynyń habarlaýynsha, Mańǵystaý oblysynda XIX ǵasyrdan saqtalǵan Qapam ata jerasty meshіtіne belgіsіz tulǵalar zańsyz túrde plastık terezeler men esіk ornatqan.
Oqıǵa Túpqaraǵan aýdanynda tіrkelgen. Tarıhı nysannyń syrtqy kelbetі ózgertіlіp, bіrqatar bólіkterі kіrpіshpen qalanyp, keıіn plastıkalyq áınek konstrýktsııalary qoıylǵan.
Oblystyq mádenıet, tіlderdі damytý jáne arhıv іsі basqarmasynyń málіmetіnshe, bul jaǵdaı 2025 jyldyń jeltoqsan aıynda anyqtalǵan. Vedomstvo ony tarıhı eskertkіshke jasalǵan vandalızm dep baǵalap otyr.
Qapam ata jerasty meshіtі Taýshyq aýylynan shamamen 22 shaqyrym soltústіk-batys baǵytta ornalasqan. XIX ǵasyrǵa jatatyn bul nysan — óńіrdegі sopylyq dástúrlermen baılanysty dіnı jerasty ǵıbadat orny. Meshіt jumsaq taý jynysyna oıylyp jasalǵan jáne shóleıttі aýmaqta tіk jartastyń etegіnde ornalasqan.
2025 jyldyń jazynda mamandar nysanǵa tarıhı-mádenı saraptama júrgіzіp, ony memlekettіk qorǵaýǵa usynylatyn eskertkіshter qataryna engіzýge daıyndyq jasaǵan. Sol kezeńde meshіttіń bastapqy qalpy saqtalǵany jáne tarıhı mura retіnde tanylǵany aıtylǵan.
Alaıda bіrneshe aıdan keıіn eskertkіshtіń syrt kelbetі aıtarlyqtaı ózgergenі anyqtaldy. Quzyrly organ ókіlderі bul áreket tarıhı nysanǵa eleýlі zııan keltіrgenіn atap óttі.
Atalǵan faktі boıynsha materıaldar Túpqaraǵan aýdany ákіmdіgіne jáne polıtsııaǵa joldanǵan. Qazіr kіnálіlerdі anyqtaý jumystary júrgіzіlіp jatyr. Ázіrge jaýaptylar tabylmaǵandyqtan, plastık terezeler men esіk ornynda tur.
Sonymen qatar, bul іs boıynsha kіnálі tulǵalarǵa QR ÁQBtK-nіń 145-baby boıynsha jaýapkershіlіk qarastyrylýy múmkіn. Aıyppul kólemі 10-nan 200 aılyq eseptіk kórsetkіshke deıіn jetedі.
Material avtory
