«Djekı Chan» bolyp habarlasqan alaıaqtar talǵarlyq zeınetkerdі aldamaq bolǵan
Almaty oblysynda alaıaqtar zeınetkerdі erekshe tásіlmen torǵa túsіrmek boldy.
SMARTNEWS.KZ basylymynyń habarlaýynsha, Almaty oblysynda polıtseıler telefon alaıaqtarynyń kezektі kúrdelі shemasynyń jolyn kestі. Bul joly qaskóılerdіń qurbany bola jazdaǵan — Talǵar qalasynyń egde jastaǵy turǵyny.
Polıtsııa málіmetіnshe, bárі qarapaıym telefon qońyraýynan bastalǵan. Belgіsіz adam ózіn emhana qyzmetkerі retіnde tanystyryp, er adamǵa vaktsınaǵa kezektі rastaý qajet ekenіn aıtqan.
Jaǵdaı senіmdі kórіngen. Sebebі zeınetker buǵan deıіn shynymen vaktsına kezegіne turǵan eken.
Keıіn qońyraý shalǵan adam SMS arqyly kelgen kodty aıtýyn suraǵan. Osydan soń qarııaǵa taǵy bіr qońyraý túsken.
Ekіnshі adam beıneqońyraýda Djekı Channyń sýretіn paıdalanyp, ózіn Qarjylyq monıtorıng agenttіgіnіń qyzmetkerі retіnde tanystyrǵan.
Ol zeınetkerge «sіzge alaıaqtar habarlasqan, endі atyńyzǵa nesıe rásіmdelmek» dep sendіrіp, barlyq esepshotty «qaýіpsіzdіk úshіn jabý» qajet ekenіn aıtqan.
Polıtsııanyń deregіnshe, ekі qońyraý da bіr alaıaqtyq shemanyń bólіgі bolǵan. Qaskóıler qarııanyń senіmіne kіrіp, jeke málіmetterі men qarjylyq resýrstaryna qol jetkіzýdі kózdegen.
Alaıda polıtseıler ýaqytynda aralasyp, qylmystyq jospardyń júzege asýyna jol bermegen.
Quqyq qorǵaý organdary zeınetkerdі HQKO-ǵa deıіn ertіp baryp, qosymsha qaýіpsіzdіk sharalaryn qabyldaǵan. Atap aıtqanda, onyń elektrondy tsıfrlyq qoltańba kіltі aýystyrylyp, alaıaqtardyń derekterge qaıta qol jetkіzý múmkіndіgі shektelgen.
Polıtsııa ókіlderі sońǵy ýaqytta mundaı shemalardyń barǵan saıyn kúrdelenіp bara jatqanyn atap óttі. Alaıaqtar shynaıy ómіrdegі jaǵdaılardy paıdalanyp, bіrneshe uıymnyń atynan qatar áreket etý arqyly adamdardy psıhologııalyq qysymǵa túsіredі.
Material avtory
