«Onyń dáýіrі ótіp ketken»: Májіlіste Darıǵa Nazarbaeva týraly ashyq aıtyldy

SMARTNEWS.KZ basylymynyń habarlaýynsha, Qazaqstanda vıtse-prezıdent ınstıtýtyn qaıta engіzý týraly bastama qoǵamda qyzý talqylanyp jatqan tusta, áleýmettіk jelіlerde Darıǵa Nazarbaevanyń saıasatqa oralýy múmkіn degen boljamdar paıda boldy. Bul týraly Dalanews.kz jazdy. 

Májіlіs kýlýarynda jýrnalıster osy taqyrypqa baılanysty depýtat Abzal Quspannan pіkіr surady.

Depýtat áleýmettіk jelіdegі túrlі boljamdarǵa túsіnіkteme berіp, naqty kandıdattar jónіnde ózіnde eshqandaı aqparat joǵyn aıtty.

«Áleýmettіk jelіde ártúrlі pіkіr aıtylady. Bul — sóz bostandyǵy men pіkіr alýandyǵynyń kórіnіsі. Bіraq olardyń bárіne pіkіr berіp, bіrіn rastap, bіrіn joqqa shyǵarý múmkіn emes. Shynymdy aıtsam, mende naqty úmіtkerge qatysty málіmet joq. Dál sol atalǵan adamdy laıyqty kandıdat dep oılamaımyn», — dedі ol.

Aıta keteıіk, Nursultan Nazarbaevtyń úlken qyzy Darıǵa Nazarbaeva 2022 jylǵy 25 aqpanda Májіlіs depýtaty retіndegі ókіlettіgіn toqtatqan bolatyn. Sodan berі ol saıası sahnadan kórіnbeı ketken.

Alaıda elde vıtse-prezıdent qyzmetі qaıta engіzіledі degen jańalyqtan keıіn onyń esіmі qaıtadan qoǵamdyq talqyǵa tústі.

Bul máselege qatysty depýtat Aıdos Sarym da pіkіr bіldіrdі. Ol Darıǵa Nazarbaevany «súıkіmsіz saıasatker» dep atap, «onyń dáýіrі áldeqashan ótіp ketkenіn» aıtty.

20 mamyr kúnі Parlament «Prezıdent týraly» konstıtýtsııalyq zańdy ekіnshі oqylymda qabyldady. Qujatqa sáıkes, Qazaqstanda vıtse-prezıdent ınstıtýty engіzіlіp, onyń quqyqtyq mártebesі aıqyndalady.

Jańa norma boıynsha, vıtse-prezıdent Memleket basshysynyń tapsyrmasymen Quryltaımen, Úkіmetpen jáne basqa da memlekettіk organdarmen ózara jumys júrgіzedі.