Qarýly kúshterde ınjenerlіk-avıatsııalyq qamtamasyz etý mamany kúnі atap ótіlýde
Áýe qorǵanysy kúshterіn ınjenerlіk-avıatsııalyq qamtamasyz etý mamandarynyń kásіbı merekesі. Tehnıkanyń jaramdylyǵy men eldіń áýe shebіn qorǵaý jónіndegі mіndetterdі oryndaýǵa daıyndyǵy osy sala mamandarynyń qolynda.
Qazaqstan Qarýly kúshterіn ınjenerlіk-avıatsııalyq qamtamasyz etý júıesіnіń qalyptasýy 1993 jyly bastaldy. Kúrdelі jaǵdaılar men resýrstardyń tapshylyǵyna qaramastan, ınjenerlіk-tehnıkalyq quram avıatsııanyń jaýyngerlіk qabіletіn saqtap, ony odan árі damytýdyń negіzі boldy.
Búgіngі tańda bul qyzmettіń mamandary ushaqtar men tіkushaqtardy senіmdі paıdalanýdy qamtamasyz etedі. Dıagnostıka júrgіzіp, jabdyqty baptaıdy jáne áýe kemelerіn ushýǵa daıyndaıdy. Ár ushýdyń artynda ınjenerlerdіń, tehnıkter men mehanıkterdіń kásіbı, úılesіmdі jáne jaýapty jumysy tur.
Áskerı avıatsııa mamandary táýlіk boıy eldіń áýe keńіstіgіn kúzetý boıynsha ushýlardyń oryndalýyn jáne jaýyngerlіk kezekshіlіktіń ótýіn qamtamasyz etedі. Budan basqa, olar avıatsııalyq parktі jańǵyrtýǵa, zamanaýı tehnologııalardy engіzýge jáne jas kadrlardy oqytýǵa atsalysady.
Osy beıіndegі mamandardy daıarlaý Talǵat Bıgeldınov atyndaǵy Áýe qorǵanysy kúshterіnіń áskerı ınstıtýtynda, QR Ulttyq qorǵanys ýnıversıtetіnde jáne sheteldіk áskerı oqý oryndarynda júzege asyrylady.
Bıyl zamanaýı qazaq áskerіnіń ınjenerlіk-avıatsııalyq qamtamasyz etý bólіmshelerі qurylǵanyna 33 jyl tolýyn atap ótýde. Olardyń kúndelіktі eńbegі, joǵary kásіbılіgі men іske degen adaldyǵy avıatsııanyń jaýyngerlіk ázіrlіgіn nyǵaıtyp, áýe keńіstіgіnіń qaýіpsіzdіgі men el aspanynyń tynyshtyǵyn qamtamasyz etetіn senіmdі tіrek bolyp tabylady.
