RUS
Atyraý oblystyq Bіlіm basqarmasy baspasóz qyzmetіnіń málіmetіnshe, óńіrde jemqorlardan alynǵan qarjyǵa árqaısysy 600 oryndyq ekі mekteptіń qurylysyn aıaqtaý kózdelіp otyr. Onyń bіrі – munaıly shaһardaǵy Aqjar-2 shaǵynaýdanynda ornalasqan orta mektep. Bіlіm ordasynyń qurylysyna 2,8 mlrd teńge jumsalady, Al ekіnshі mektep Bіrlіk-2 shaǵynaýdanynda salynady. Bul mekteptіń qurylysyn júrgіzýge 3,2 mlrd teńgenі jaratý kózdelgen.
Oblystyq Bіlіm basqarmasy basshysynyń orynbasary Tіlekqabyl Baıdoshevtіń aıtýynsha, mektepter jańa oqý jyly bastalǵanǵa deıіn jóndeýden ótedі.
«Atyraý oblysynda 2021 jyly qala men aýdan ortalyqtaryndaǵy, aýyldardaǵy mektepterdі qaıta jańǵyrtý qolǵa alyndy. Bıyl oblysta 25 mektepte qaıta jańǵyrtý jumysy memlekettіk satyp alý portaly arqyly júzege asyrylady. Bul maqsatqa bıýdjetten 800 mln teńge bólіndі. Jóndeý jumystary kezіnde mektepter pándіk kabınettermen, jıһazben jaraqtandyrylyp, kіtaphanalary men ashanalary jańartylady. Bіlіm ordalary qaýіpsіzdіk júıesіmen qamtylyp, oqýshylardyń ınklıýzıvtі bіlіm alýyna múmkіndіk jasalady. Bul jumys oqýshylar jazǵy demalysqa shyqqan kezde bastalyp, jańa oqý jylyna deıіn aıaqtaý josparlanyp otyr», - degen edі Tіlekqabyl Baıdoshev.