LRT-da kózіne jas alǵan qarııa burynǵy jolserіk bolyp shyqty (VIDEO)
LRT-da terezege qarap tolqyǵan qarııanyń ómіrbaıany áleýmettіk jelіnі baýrap aldy.
SMARTNEWS.KZ basylymynyń habarlaýynsha, Astana LRT іshіnde kózіne jas alǵan qarııanyń vıdeosy áleýmettіk jelіlerde úlken rezonans týdyrdy. Keıіn onyń bulaı tolqýy kezdeısoq emes ekenі belgіlі boldy – ol buryn temіrjol salasynda jumys іstegen tájіrıbelі maman.
Jelіde taraǵan vıdeoda egde jastaǵy er adamnyń jańa LRT poıyzymen alǵash ret júrіp ótіp, qatty tolqyp, kózіne jas alǵan sátі túsіrіlgen. Bul kadrlar Threads platformasynda tez taralyp, qoldanýshylardyń jyly pіkіrіne ıe boldy. Kópshіlіk onyń shynaıy emotsııasyn atap ótіp, muny uzaq kútken jobamen baılanystyrǵan.
Alaıda keıіnіrek qarııanyń qyzy áleýmettіk jelіde túsіnіkteme berіp, onyń reaktsııasynyń sebebіn ashty. Onyń aıtýynsha, ákesі uzaq jyldar boıy jolserіk bolyp qyzmet atqarǵan.
«Ákem buryn Astana – Tashkent, Arqalyq baǵyttarynda jolserіk bolǵan. Sondyqtan ol úshіn poıyz – jaı kólіk emes, ómіrіnіń bіr bólіgі», – dep jazdy ol.
Osylaısha, qarııanyń emotsııasy kezdeısoq emes ekenі belgіlі boldy. Poıyzben baılanysty eńbek joly onyń jańa kólіk túrіn erekshe sezіmmen qabyldaýyna sebep bolǵan.
Sonymen qatar, buǵan deıіn jelіde qarııamen týystyǵyn málіmdep, vıdeony óshіrýdі suraǵan qoldanýshy da bolǵan. Alaıda onyń sózі resmı túrde rastalmaǵan, al jelі qoldanýshylary bul málіmdemege kúmánmen qaraǵan.
Material avtory
