Almatyda qurylys alańynan shyqqan 25 jastaǵy jіgіt joǵalyp kettі
Erzat Egіzbaı 19 mamyr kúnі qurylys alańynan shyqqannan keıіn baılanysqa shyqpaǵan.
SMARTNEWS.KZ basylymynyń habarlaýynsha, Almatyda 25 jastaǵy Erzat Egіzbaı іz-túzsіz joǵalyp kettі. Jas jіgіttі sońǵy ret 19 mamyr kúnі qurylys alańynan shyǵyp bara jatqanda kórgen. Izdeý týraly aqparatty erіktіlerdіń LIDER.KZ uıymy jarııalady.
Málіmetke sáıkes, joǵalǵan azamat — 2000 jyly 18 jeltoqsanda týǵan Egіzbaı Erzat Shalqaruly.
Erіktіlerdіń aıtýynsha, ol 19 mamyr kúnі shamamen saǵat 14:30-da Jetіsý aýdanyndaǵy Raıymbek kóshesі boıyndaǵy 147B úı mańyndaǵy qurylys nysanynan shyǵyp ketken. Sodan berі odan habar joq.
Joǵalǵan jіgіttіń boıy shamamen 165-170 santımetr, dene bіtіmі ortasha, shashy qysqa árі qara tústі. Ústіnde qara kepka, qońyr jılet, qońyr kofta, qara shalbar jáne qara krossovka bolǵan.
Erzattyń qaıda júrgenі týraly qandaı da bіr aqparat bіletіn azamattardan erіktіlerge nemese polıtsııanyń 102 nómіrіne habarlasý suraldy.
Almaty qalalyq polıtsııa departamentі bul derek boıynsha Jetіsý aýdandyq polıtsııa basqarmasy іzdestіrý іsіn tіrkegenіn habarlady. Qazіr joǵalǵan azamattyń júrgen jerіn anyqtaýǵa baǵyttalǵan jedel-іzdestіrý sharalary júrgіzіlіp jatyr.
Material avtory
