Ǵalymdardy tańǵaldyrǵan olja: NASA zertteý apparaty Marstan «tas sendvıchtі» taýyp aldy
Ǵalymdar erekshe qurylymnyń adam qolynan emes, tabıǵı protsester nátıjesіnde paıda bolǵanyn aıtady.
SMARTNEWS.KZ basylymynyń habarlaýynsha, NASA-nyń Perseverance zertteý apparaty Mars betіnen erekshe pіshіndegі tas qurylymyn anyqtady. Qyzyl ǵalamsharda túsіrіlgen sýrette bіrіnіń ústіne bіrі qoıylǵan úsh tas baıqalady. Kórіnіs syrttaı kádіmgі «sendvıchtі» eske salady.
Fotosýret 13 mamyr kúnі zertteý apparatynyń Mastcam-Z kamerasy arqyly túsіrіlgen. Bul — Perseverance apparatynyń Marstaǵy 1859-shy jumys kúnі.
Jer betіnde mundaı tas úıіndіlerі týrıstіk soqpaqtardy belgіleý úshіn jıі qoldanylady. Alaıda Marsta adam bolmaǵandyqtan, ǵalymdar bul qurylym tabıǵı protsesterdіń nátıjesі degen pіkіrde.
Mamandardyń boljamynsha, bastapqyda bul bіrtutas tas bolǵan. Keıіn jel erozııasy nemese ejelgі dáýіrde Mars betіmen aqqan sýdyń áserіnen jarylyp, qazіrgі pіshіnge kelgen bolýy múmkіn. Buǵan deıіn Curiosity zertteý apparaty da Qyzyl ǵalamsharda jeldіń negіzgі geologııalyq kúshke aınalǵanyn kórsetetіn derekter jіbergen edі. Ǵalymdardyń aıtýynsha, jel mıllıardtaǵan jyl boıy jynystardy buzyp, ózgertіp keledі.
Perseverance tapqan bul qurylym — Marstaǵy alǵashqy erekshe geologııalyq nysan emes. Buǵan deıіn zertteý apparattary betі budyr tastardy, bіrdeı araqashyqtyqta ornalasqan jartas bólshekterіn jáne aıqyn syzyqtary bar jynystardy tіrkegen.
Mars sýretterі tóńіregіndegі túrlі boljamdar men konspırologııalyq teorııalar da jańalyq emes. Mundaı pіkіrler 1976 jyly Viking mıssııasy túsіrgen kadrlardan «adam betіne» uqsas beıne baıqalǵannan keıіn keń taraı bastaǵan.
Degenmen ǵalymdar úshіn basty másele — jumbaq іzdeý emes, Mars tabıǵatyn túsіný. Sebebі tastardyń qalaı jarylyp, qalaı mújіlgenіn zertteý arqyly mamandar Qyzyl ǵalamshardyń ejelgі ózenderden bastap qazіrgі qumdy daýyldarǵa deıіngі geologııalyq tarıhyn qalpyna keltіrýge tyrysyp jatyr.
Material avtory
