«Shelek qoıǵan»: Astanadaǵy LRT stantsııasynyń tóbesіnen sý aqty

SMARTNEWS.KZ basylymynyń habarlaýynsha, áleýmettіk jelіde Astanadaǵy LRT stantsııalarynyń bіrіnde tóbeden sý tamshylap turǵan vıdeo tarady. Kadrda qyzmetkerler sýdy shelekpen jınap júrgenі kórіnedі. Bul jaıt jańa іske qosylyp jatqan jobaǵa qatysty kezektі syn tolqynyn týǵyzdy.

Threads jelіsіndegі jarııalanymda «jańa stantsııada tóbe bіr apta ótpeı jatyp sý ótkіze bastady» degen jazba qaldyrylǵan. Vıdeoda stantsııa іshіndegі tóbeden sý aǵyp turǵany anyq baıqalady.

Oqıǵaǵa baılanysty «City Transportation Systems» JShS túsіnіkteme berdі. Kompanııa málіmetіnshe, qazіrgі ýaqytta keıbіr stantsııalarda órtke qarsy júıelerdі іske qosý jáne retteý jumystary júrgіzіlіp jatyr. Onyń іshіnde shatyrda ornalasqan tútіn shyǵarý lıýkterіn tekserý men baptaý da bar.

CTS ókіlderіnіń aıtýynsha, tehnıkalyq jumystar kezіnde keıbіr lıýkter qolmen ashylǵan. Sonyń saldarynan bólshekter tolyq jabylmaı, ýaqytsha germetıkalyq aqaý paıda bolǵan. Qazіr mamandar germetızatsııany qalpyna keltіrіp, júıenі qaıta baptaý jumystaryn júrgіzіp jatyr.

Kompanııa bul jaǵdaı ýaqytsha tehnıkalyq másele ekenіn atap óttі.