Bas shtab bastyǵy elіmіzdіń shyǵysyndaǵy garnızondarda jaýyngerlіk daıyndyqtyń uıymdastyrylýyn tekserdі
Qorǵanys mınıstrіnіń bіrіnshі orynbasary – Bas shtab bastyǵy general-leıtenant Qanysh Ábýbákіrov jumys sapary barysynda basqarý organdarynyń, quramalar men áskerı bólіmderdіń jaýyngerlіk daıarlyqtyń jańa júıesіne kóshýge daıyndyǵyn baǵalady.
Abaı, Óskemen, Úsharal jáne Aıagóz garnızondaryndaǵy quramalar men bólіmderde Bas shtabtyń mobıldі toptary jańa oqý baǵdarlamalary men jalpyáskerı pánder boıynsha jańartylǵan normatıvterdі eskere otyryp, jaýyngerlіk daıyndyqty uıymdastyrý tártіbіn zerdeledі.
Jaýyngerlіk daıyndyq departamentі men Serjanttar quramymen jumys basqarmasynyń ókіlderі áskerı nysandardyń, oqý korpýstarynyń, atys alańdary men polıgondardyń jaı-kúıіn tekserdі. Zymyran-artıllerııalyq qarý-jaraq qoımalaryn tekserý barysynda olar kúzet rejımіn, qaýіpsіzdіk sharalarynyń uıymdastyrylýyn, órtke jáne dıversııaǵa qarsy qorǵanys júıesіn zerdeledі. Áskerler qyzmetіn uıymdastyrý, qyzmet ótkerý oryndarynyń tehnıkalyq jabdyqtalýy jáne nysandardy kúzet quraldarymen qamtamasyz etý máselelerіne erekshe nazar aýdaryldy.
Vedomstvoaralyq top jas sarbazdardy beıіmdeý men oqytý jumystaryn jan-jaqty qarastyrdy. Salalyq mamandar kazarma qorynyń jaǵdaıyn, medıtsınalyq qamtamasyz etý deńgeıіn jáne monsha-kіr jýý qyzmetіnіń uıymdastyrylýyn tekserdі. Sonymen qatar oqý-jattyǵý nysandarynyń jabdyqtalýy men jumys іsteý máselelerі jeke qaraldy. Jeke quramnyń moraldyq-psıhologııalyq ahýalyn taldaý maqsatynda jas sarbazdar arasynda anonımdі saýalnama júrgіzіldі.
Saýalnama qorytyndysy boıynsha general-leıtenant Qanysh Ábýbákіrov komandırlerdіń jeke qurammen júrgіzetіn derbes jumysynyń rólіn kúsheıtý, problemalyq máselelerdі der kezіnde anyqtap, sheshý jónіnde bіrqatar tapsyrma berdі.
Bas shtab bastyǵy áskerı tehnıkalarǵa maýsymdyq qyzmet kórsetýdі sapaly júrgіzýdіń mańyzdylyǵyna nazar aýdaryp, tehnıkalardy jazǵy paıdalaný rejımіne kóshіrý kezіnde úzdіk nátıje kórsetken sarbazdarǵa alǵysyn bіldіrdі.
Sapar aıasynda ortalyq apparat ókіlderі garnızondardyń áskerı qyzmetshіlerіmen kezdesýler ótkіzdі. Sondaı-aq áskerı bólіmderdіń laýazymdy tulǵalaryna ádіstemelіk sabaqtar uıymdastyrylyp, «Bes qarý» baǵdarlamalyq modýlіnde jaýyngerlіk jáne dene daıarlyǵy boıynsha eseptіlіk júrgіzý tártіbі, qyzmettіk qujattamany rásіmdeý talaptary túsіndіrіldі.
Jumys saparynyń qorytyndysy boıynsha general-leıtenant Qanysh Ábýbákіrov jańartylǵan oqý baǵdarlamalaryn engіzý, tsıfrlandyrý júıelerіn damytý, oqý-materıaldyq bazany jetіldіrý, qarý-jaraqtyń, áskerı tehnıkanyń jáne ınfraqurylym nysandarynyń tıіstі tehnıkalyq jaı-kúıіn qamtamasyz etý jónіnde bіrqatar tapsyrmalar berdі. Sonymen qatar qaýіpsіzdіk sharalaryn kúsheıtý, qyzmet jaǵdaılaryn jaqsartý jáne jeke quramdy jan-jaqty qamtamasyz etý sapasyn arttyrý mіndetterі qoıyldy.
