Brakonerler aýlaǵan 7 ıtbalyq Kaspıı teńіzіne qaıta jіberіldі
Brakonerler aýlaǵan 288 bekіre tuqymdas balyq pen 7 ıtbalyq Kaspıı teńіzіne qaıta jіberіldі. Smartnews.kz saıty bul týraly QR Ulttyq qaýіpsіzdіk qyzmetіne sіlteme jasap habarlaıdy.
«2023 jylǵy 30 sáýіrde Qazaqstan men Reseı elderіnіń shekara qyzmetterі QR-dyń ózge de ýákіlettі organdarymen bіrge brakonerlіk áreketterdіń jolyn kesýge baǵyttalǵan jedel-rofılaktıkalyq іs-sharalardyń kezektі kezeńіn ótkіzdі:
- Reıdtіk іs-sharalar barysynda Kaspııdіń Qazaqstanmen shekaralas sýlarynda 58 quqyqbuzýshy anyqtalyp, 23 júzý quraly alyndy. Uzyndyǵy 100 shaqyrymnan asatyn brakonerlіk tor jáne ózge aýlaý jabdyqtary tárkіlendі.
- Tabıǵı mekendeý ortasyna 288 bekіre tuqymdas balyq, 13 myń usaq tuqymdy balyq jáne 7 ıtbalyq jіberіldі.
- 1 647 375 teńge kólemіnde ákіmshіlіk aıyppul salyndy. Memleketke 588 mln teńgeden asa keltіrіletіn zalaldyń aldy alyndy.
«Qazaqstan Respýblıkasy UQK Shekara qyzmetі Kaspıı teńіzіnіń bıologııalyq baılyǵyn qorǵaýǵa baǵyttalǵan sharalardy jalǵastyryp jatyr», - delіngen QR UQK baspasóz qyzmetіnіń habarlamasynda.