Eýropadaǵy qazaqtar Parıjde bas qosty
Parıjde qandastar men otandastardyń aýqymdy kezdesýі ótіp jatyr.
SMARTNEWS.KZ basylymynyń habarlaýynsha, Parıjde Eýropa elderіnde turatyn qazaqtar men qandastardyń kezdesýі resmı túrde bastaldy. Is-shara Frantsııadaǵy Qazaqstan elshіlіgіnde óttі.
Kezdesýdі Qazaqstannyń Frantsııadaǵy elshіlіgі, «Otandastar qory» KeAQ jáne Qazaq-frantsýz-túrіk qaýymdastyǵy Qyzylorda oblysy ákіmdіgіnіń qoldaýymen uıymdastyrǵan.
Saltanatty jıynda Qazaqstannyń Frantsııadaǵy elshіsі Gúlsara Arystanqulova Parıjdegі basqosý sheteldegі qazaqtardyń rýhanı tutastyǵyn kúsheıtetіn mańyzdy alańǵa aınalǵanyn aıtty.
Onyń sózіnshe, qazaq halqynyń tarıhı tamyry Altyn Orda murasymen tyǵyz baılanysty. Sonymen qatar Qazaqstan búgіnde Eýropa men Azııany jalǵaıtyn senіmdі kópіr retіndegі rólіn kúsheıtіp keledі. Elshі ana tіlі, ulttyq rýh pen tarıhı jady álemnіń ár túkpіrіndegі qazaqtardy bіrіktіretіn basty qundylyqtar ekenіn erekshe atap óttі.
Mádenı baǵdarlama aıasynda Qyzylorda oblystyq fılarmonııasynyń ónerpazdary kontsert qoıyp, óńіrdіń dástúrlі qolóner buıymdarynyń kórmesі uıymdastyryldy.
Úsh kúnge sozylatyn kezdesýdіń aıasynda Garj-le-Goness qalasynda Eýropadaǵy qazaq jastary arasynda fýtbol týrnırі ótedі. Budan bólek, ulttyq mádenıetke arnalǵan arnaıy іs-sharalar josparlanǵan.
Basqosýǵa Ulybrıtanııa, Germanııa, Nıderland, Fınlıandııa, Ispanııa, Norvegııa, Shveıtsarııa, Frantsııa, Chehııa, Italııa, Portýgalııa, Polsha, Shvetsııa, Danııa, Belgııa, Vengrııa, Túrkııa jáne Mońǵolııadan kelgen qazaqtar men qandastar qatysty.
Material avtory
