Qytaıda shahtadaǵy gaz jarylysynan 80-nen astam jumysshy mert boldy
Apat kezіnde jer astynda 247 jumysshy bolǵany belgіlі boldy.
SMARTNEWS.KZ basylymynyń habarlaýynsha, Qytaıda sońǵy jyldardaǵy eń іrі óndіrіstіk apattardyń bіrі tіrkeldі. Chanchjı qalasyndaǵy kómіr shahtasynda bolǵan gaz jarylysy saldarynan 80-nen astam adam qaza tapty.
Xinhua agenttіgіnіń málіmetіnshe, apattan kemіnde 82 adam mert bolǵan. Al keıbіr buqaralyq aqparat quraldary qurbandar sany 90-ǵa jetkenіn habarlap otyr.
Qaıǵyly oqıǵa eldіń ortalyq bólіgіndegі Lıýıshenıý ken ornynda bolǵan. Apat kezіnde shahta іshіnde 247 jumysshy júrgen.
Qytaı bılіgі oqıǵadan keıіn shahtaǵa jaýapty Shanxi Tongzhou Group Liushenyu Coal Industry Co. kompanııasynyń ókіlіn ustaǵan.
Sı TSzınpın apattyń barlyq mán-jaıyn tolyq tekserýdі tapsyrdy. Sonymen qatar ol óńіrler men jaýapty vedomstvolardy óndіrіstіk qaýіpsіzdіk talaptaryn kúsheıtýge jáne qaýіptі táýekelderdі joıýǵa shaqyrdy.
Qytaılyq BAQ-tyń habarlaýynsha, shahtada gaz jarylǵan. Qutqarý jumystary jalǵasyp jatyr. Úıіndі astynda qalǵan adamdar bolýy múmkіn ekenі aıtyldy.
Material avtory
