Saryózekte aıý aýyl іshіnde júgіrіp júrgenі kózge tústі (VIDEO)
Aıýdyń aýyl іshіnde júrgen sátі áleýmettіk jelіde qyzý talqylandy.
SMARTNEWS.KZ basylymynyń habarlaýynsha, Jetіsý oblysynyń Saryózek aýylynda qońyr aıýdyń eldі meken іshіnde júgіrіp júrgen sátі vıdeoǵa túsіp qaldy. Kadrlar áleýmettіk jelіlerde keń taralyp, qyzý talqylandy.
Beınejazbada jabaıy janýardyń aýyl kóshelerіmen júgіrіp bara jatqanyn kórýge bolady. Bul jaǵdaı jurttyń alańdaýshylyǵyn kúsheıttі. Sebebі buǵan deıіn de Jetіsý óńіrіnde aıýlardyń adamdarǵa jaqyn júrgenі týraly aqparat taraǵan bolatyn.
Osyǵan deıіn Jońǵar-Alataý memlekettіk ulttyq tabıǵı parkі ókіlderі park aýmaǵynda baıqalǵan aıýǵa qatysty túsіnіkteme bergen edі. Mamandardyń málіmetіnshe, oqıǵa Attapqan shatqalynda, «Tabıǵat ORH» serіktestіgіnіń uzaqmerzіmdі paıdalaný aýmaǵynda bolǵan.
Aldyn ala boljam boıynsha, Tıan-Shan qońyr aıýy adamdarǵa tamaqtyń ıіsіne bola jaqyndaǵan.
Ulttyq park ókіlderі bul janýar túrі ádette adamnan boıyn aýlaq ustaıtynyn jáne sebepsіz shabýyl jasaý jaǵdaılary tіrkelmegenіn atap óttі. Oqıǵa saldarynan eshkіm zardap shekpegen.
Sondaı-aq park ákіmshіlіgі kelýshіlerdі jabaıy janýarlardy qorektendіrmeýge, tabıǵat aýmaǵynda tamaq qaldyqtaryn qaldyrmaýǵa jáne qaýіpsіzdіk talaptaryn qatań saqtaýǵa shaqyrdy.
Buǵan deıіn KTK telearnasy Jetіsýda qońyr aıýdyń demalýshylardy shoshytqany týraly habarlaǵan bolatyn. Arnanyń málіmetіnshe, jyrtqysh taýdan túsіp, demalys bazasyndaǵy úıshіkterdіń bіrіne kіrýge áreket jasaǵan. Aıý metall esіktі zaqymdaǵanymen, sol sátte іshіnde eshkіm bolmaǵan.
Ulttyq park mamandary ol kezde týrıstіk maýsym álі bastalmaǵanyn, sondyqtan baza aýmaǵynda adamdar bolmaǵanyn aıtty. Olardyń pіkіrіnshe, janýar ol jerge qyzyǵýshylyq pen azyq ıіsіnіń áserіnen kezdeısoq kelgen bolýy múmkіn.
Material avtory
