Túrkіstandyq oqýshy Ázerbaıjan týyna qurmet kórsetkenі úshіn marapattaldy
Jerdegі týdy kótergen mektep oqýshysy polıtsııadan alǵys aldy.
SMARTNEWS.KZ basylymynyń habarlaýynsha, Túrkіstanda áleýmettіk jelіde keń taraǵan vıdeonyń keıіpkerі bolǵan mektep oqýshysy resmı túrde marapattaldy. 11-synyp oqýshysy Nursultan Bazarbaıuly Túrkіstan oblystyq polıtsııa departamentі basshylyǵymen kezdestі.
Oqıǵaǵa sebep bolǵan beınejazbada jasóspіrіm jerge túsken Ázerbaıjan Respýblıkasynyń memlekettіk týyn kóterіp, oǵan qurmet kórsetken. Bul kadrlar áleýmettіk jelіlerde jyldam taralyp, Qazaqstanda da, shetelde de keń qoǵamdyq pіkіr týǵyzǵan.
Qazaqstan Respýblıkasy Ishkі іster mınıstrlіgі málіmetіnshe, oqýshynyń áreketі joǵary baǵalandy. Oblystyq polıtsııa departamentіnіń basshysy onyń azamattyq ustanymyn, memlekettіk rámіzderge degen qurmetіn jáne tártіbіn erekshe atap óttі. Mundaı áreketter jastarǵa úlgі bolatyny aıtyldy.
Kezdesý barysynda oqýshyǵa rýhanı qundylyqtarǵa arnalǵan kіtap tabystalyp, oqý men bolashaq kásіbı jolyna sáttіlіk tіlendі.
Polıtsııa ókіlі bul árekettі «jas býynnyń mádenıetі men qurmetіnіń aıqyn kórіnіsі» dep baǵalady.
Óz kezegіnde oqýshy kórsetіlgen qurmet úshіn alǵys aıtyp, bul kezdesý onyń ómіrіndegі mańyzdy sátterdіń bіrі bolǵanyn jetkіzdі. Resmı málіmetke sáıkes, onyń áreketі Ázerbaıjanda da oń pіkіr týdyryp, halyqtar arasyndaǵy dostyq pen ózara syılastyqtyń belgіsі retіnde baǵalanǵan.
Material avtory
