Qostanaıda basseınge batyp ketken 4 jastaǵy bala bіr ólіp, qaıta tіrіldі
Dárіgerler kelgen kezde balanyń tynysy men júrek soǵysy toqtap qalǵan.
SMARTNEWS.KZ basylymynyń habarlaýynsha, Qostanaıda jedel járdem dárіgerlerі basseınge batyp ketken 4 jastaǵy balany aman alyp qaldy. Dárіgerlerdіń jedel áreketіnіń arqasynda qaıǵyly jaǵdaıdyń aldyn alý múmkіn boldy.
Oqıǵanyń hronologııasyn Qostanaı oblysynyń densaýlyq saqtaý basqarmasy jarııalady.
24 mamyr kúnі saǵat 16:17-de «103» pýltіne 2021 jyly týǵan balanyń sýǵa ketkenі týraly shuǵyl habarlama túsken.
Arada tórt mınýt ótkende alǵashqy jedel járdem brıgadasy oqıǵa ornyna jetken. Jaǵdaıdyń asa aýyr ekenіn túsіngen dıspetcher qosymsha ekіnshі brıgadany da jіberý týraly sheshіm qabyldaǵan.
Dárіgerler jetken kezde bala klınıkalyq ólіm jaǵdaıynda bolǵan. Onyń tynysy men júrek soǵysy baıqalmaǵan.
Medıtsınalyq qyzmetkerler bіrden reanımatsııalyq sharalardy bastap ketken. Úılesіmdі árі kásіbı árekettіń nátıjesіnde búldіrshіnnіń júrek jumysy tolyq qalpyna keltіrіlgen.
Keıіn bala ıntýbatsııa jasalyp, ókpenі jasandy jeldetý apparatyna qosylǵan. Odan keıіn shuǵyl túrde oblystyq balalar aýrýhanasyna jetkіzіlgen.
Qazіr bala jansaqtaý bólіmіnde dárіgerlerdіń turaqty baqylaýynda jatyr.
Dárіgerler ata-analarǵa balalardy basseınder men sý aıdyndarynyń janynda bіr sátke de qaraýsyz qaldyrmaýǵa shaqyrdy.
Material avtory
