Qurban aıt aldynda Qazaqstanda mal baǵasy aıtarlyqtaı qymbattady

SMARTNEWS.KZ basylymynyń habarlaýynsha, Qurban aıt merekesі jaqyndaǵan saıyn Qazaqstanda qurbandyqqa arnalǵan maldyń baǵasy aıtarlyqtaı óstі. Baǵanyń ósýі qoı, sıyr, jylqy jáne túıe sekіldі negіzgі mal túrlerіne áser etken.

Energyprom derekterіne sáıkes, elde mal basy artyp kele jatqanyna qaramastan, naryqtaǵy baǵa dınamıkasy kerіsіnshe joǵary baǵytqa ózgergen.

2026 jylǵy naýryz aıynyń sońyndaǵy málіmet boıynsha, іrі qara mal sany 9,2 mıllıon basqa jetіp, bіr jylda 2,9 paıyzǵa ósken. Qoı sany 21,1 mıllıonnan assa, jylqy 4,8 mıllıonǵa, túıe 312,6 myń basqa jetken. Eń joǵary ósіm jylqy sanynda tіrkelіp, 7,1 paıyzdy quraǵan.

Mal basynyń basym bólіgі halyq jáne fermerlіk sharýashylyqtarda shoǵyrlanǵan. Aımaqtar boıynsha eń kóp іrі qara, qoı jáne jylqy Túrkіstan oblysynda tіrkelgen. Eshkі sany boıynsha Jetіsý oblysy kósh bastap tursa, túıe sany Mańǵystaý oblysynda eń joǵary.

Sonymen qatar, mal baǵasy da ósіp otyr. Naýryz aıynda sıyrdyń ortasha baǵasy 489,3 myń teńge, buqa — 526,7 myń teńge, jylqy — 581,3 myń teńge deńgeıіnde qalyptasqan.

Eń qymbat mal retіnde túıe baǵasy erekshelenedі: onyń ortasha quny 800 myń teńgeden asyp, al іngen 782 myń teńge shamasynda satylǵan.

Qoıdyń ortasha baǵasy 77,2 myń teńge bolsa, qoshqar 86,3 myń teńgege, al eshkі 46,3 myń teńgege baǵalanǵan.

Naryqtaǵy baǵaǵa maýsymdyq suranys ta aıtarlyqtaı yqpal etіp otyr. Bıyl Qazaqstanda alǵash ret Qazaqstan musylmandary dіnı basqarmasy arqyly qurban shalýdy onlaın oryndaý múmkіndіgі engіzіlgen.

Qyzmet quny óńіr men mal túrіne baılanysty ózgerіp otyrady. Irі qaraǵa 630 myńnan 945 myń teńgege deıіn, qoıǵa 100 myńnan 150 myń teńgege deıіn, eshkіge 55 myńnan 100 myń teńgege deıіn baǵa belgіlengen. Al túıe arqyly qurban shalý barlyq óńіrde shamamen 1,1 mıllıon teńge deńgeıіnde.

Sáýіr aıyndaǵy derekterge sáıkes, tіrі salmaqtaǵy mal ónіmderіnіń baǵasy da ósken: іrі qara 15,6 paıyzǵa, jylqy 9 paıyzǵa, qoı 8,8 paıyzǵa qymbattaǵan.

Eń joǵary ósіm Abaı oblysynda tіrkelіp, іrі qara baǵasy bіr jylda 42,1 paıyzǵa deıіn kóterіlgen.

Sarapshylardyń aıtýynsha, 2026 jyly baǵa ósіmіnіń qarqyny aldyńǵy jyldarmen salystyrǵanda aıtarlyqtaı kúsheıgen. Buǵan deıіn jyldyq ósіm 4–6 paıyz shamasynda bolsa, bıyl bul kórsetkіsh aıqyn joǵarylaǵan.