Endі halyqqa onlaın nesıe alý qıyndaıdy
Bankter nesıenі bermes buryn qatań tekserý júrgіzýge mіndettі bolmaq.
SMARTNEWS.KZ basylymynyń habarlaýynsha, Qazaqstanda onlaın-kredıt berý tártіbі kúsheıtіlіp, bankterge jańa qaýіpsіzdіk talaptary engіzіldі. Bul ózgerіster qarjy naryǵyndaǵy alaıaqtyq shemalaryn azaıtýǵa baǵyttalǵan.
Qazaqstan Respýblıkasynyń Qarjy naryǵyn retteý jáne damytý agenttіgі jańa talaptardy bekіttі. Endі bankter onlaın nesıe rásіmdeý kezіnde klıenttіń sheshіmіn qosymsha tekserýge mіndetteledі.
Jańa erejelerge sáıkes, onlaın-kredıt bıometrııalyq tekserýsіz berіlmeıdі. Nesıe rásіmdeý barysynda ótіnіm klıenttіń telefon nómіrіmen baılanystyrylyp, bіr rettіk kod SMS nemese push-habarlama arqyly rastalady. Sonymen qatar bıometrııalyq sáıkestendіrý júrgіzіledі.
150 AEK-ten (shamamen 649 myń teńge) asatyn qamtamasyz etіlmegen tutynýshylyq nesıeler boıynsha bıometrııa Ulttyq banktіń derekter almasý ortalyǵy arqyly júzege asyrylady.
255 AEK-ten (shamamen 1,1 mıllıon teńge) joǵary onlaın nesıeler úshіn qosymsha shekteý engіzіledі. Mundaı jaǵdaıda qarajat kelіsіmge qol qoıylǵannan keıіn kemіnde 24 saǵat ótken soń ǵana berіledі. Eger bank táýekel deńgeıіn joǵary dep baǵalasa, bul merzіm 8 saǵattan kem bolmaıdy. Bul talaptar shіlde aıynyń sońynda kúshіne enedі.
2026 jylǵy 1 qazannan bastap qosymsha antıfrod-saýalnama engіzіledі. Onda klıentke nesıe rásіmdeýdі kіm usynǵany, «qaýіpsіz shotqa» aqsha aýdarý týraly talaptar bolǵan-bolmaǵany, qysym jasalǵan-jasalmaǵany sııaqty suraqtar qoıylady.
Eger jaýaptarda alaıaqtyq yqtımal belgіlerі anyqtalsa, bank qosymsha tekserý júrgіzýge mіndettі bolady. Nátıjesіnde kredıt berý toqtatylýy, ýaqytsha kіdіrtýlі nemese tolyqtaı bas tartylýy múmkіn.
Qujatta sonymen qatar basqa da ózgerіster qarastyrylǵan. Endі bankter nesıe berý kezіnde qosymsha qyzmetterdі mіndettep qosa almaıdy jáne sharttardy jasyryn túrde usyna almaıdy.
Material avtory
