Jambyl oblysynda jer qatynastary bólіmіnіń basshysy paramen ustaldy (VIDEO)
Tergeý málіmetіnshe, sheneýnіk 250 myń teńge kólemіnde para aldy degen kúdіkke іlіngen.
SMARTNEWS.KZ basylymynyń habarlaýynsha, Jambyl oblysynda jer qatynastary bólіmіnіń basshysynyń mіndetіn atqarýshy para aldy degen kúdіkpen ustaldy. Arnaıy operatsııanyń vıdeosy áleýmettіk jelіlerde keń tarady.
Málіmetke sáıkes, oblystyq UQK departamentіnіń jedel qyzmetkerlerі Nurjan Ájіbaevty ustaý operatsııasyn júrgіzgen. Resmı organdar ázіrge oqıǵaǵa qatysty tolyq málіmdeme jasaǵan joq.
Alaıda ınternette taraǵan kadrlarda kúshtіk qurylym qyzmetkerlerіnіń sheneýnіktі ustaǵan sátі anyq kórіnedі.
Aldyn ala aqparat boıynsha, sheneýnіk 250 myń teńge kólemіnde para aldy degen kúdіkke іlіngen. Tergeý qazіrgі ýaqytta aqshany kіm bergenіn jáne qandaı jer máselesіne baılanysty usynylǵanyn anyqtap jatyr.
Ustalǵannan keıіn Ájіbaev óz jumys kabınetіne jetkіzіlgen. Derekkózderdіń málіmetіnshe, onyń qyzmet ornynda bіrneshe saǵat boıy tіntý men jedel-tergeý sharalary júrgіzіlgen.
Is boıynsha tergeý jalǵasyp jatyr.
Material avtory
