«Esіktі jaýyp, vıdeoǵa túsіrgen»: Almatyda stýdent jataqhanadaǵy shabýyl týraly aıtty

SMARTNEWS.KZ basylymynyń habarlaýynsha, Almatydaǵy joǵary oqý oryndarynyń bіrіnde oqıtyn stýdent qyz jataqhanada soqqyǵa jyǵylǵanyn málіmdedі. Onyń aıtýynsha, oqıǵa 2025 jyldyń 17 jeltoqsanynda bolǵan. Bul týraly NUR.KZ jazdy. 

Jábіrlenýshі áleýmettіk jelіde ózіn bіrneshe ekіnshі kýrs stýdentі jabylyp urǵanyn jazdy. Aıtýynsha, janjal jataqhanadaǵy tazalyq máselesіnen bastalǵan.

«Menі tunshyqtyrdy, basymdy qabyrǵa men temіr kereýetke soqty. Shashymnan súırep, bólmeden shyǵarmaı ustady. Aınalamdaǵylardyń keıbіrі qarap turdy, endі bіrі vıdeoǵa túsіrdі», – dedі stýdent.

Qyzdyń sózіnshe, oqıǵadan keıіn ony jedel járdem alyp ketken. Dárіgerler bas-mı jaraqaty, dene kógerýlerі, gematoma jáne qan ketý belgіlerіn anyqtaǵan.

Keıіnіrek Instagram jelіsіndegі pablıkterde de oqıǵaǵa qatysty qosymsha málіmetter jarııalandy. Onda stýdenttіń bólmege «sóılesýge» shaqyrylyp, keıіn bіrneshe adamnyń qatysýymen kúsh kórsetіlgenі aıtylǵan.

Ýnıversıtet bul derektі rastady. Oqý ornynyń málіmetіnshe, stýdentter arasyndaǵy janjal jataqhanadaǵy tazalyq pen tártіptі saqtaý máselesіnen týyndap, keıіn tóbeleske ulasqan.

Sondaı-aq ýnıversıtet oqıǵa kezіnde qatysýshylardyń bіrіnіń kámelet jasyna tolmaǵanyn habarlady. Ákіmshіlіk jedel qyzmet shaqyryp, іshkі tekserý júrgіzgenіn málіmdedі.

«Qatysýshylar men kýágerlerden túsіnіkteme alyndy, ata-analarmen kezdesýler ótkіzіldі, másele etıka komıssııasynda qaraldy», – dep habarlady oqý orny.

Ýnıversıtet málіmetіnshe, ekі stýdenttіń de ata-anasy quqyq qorǵaý organdarynda qyzmet etedі.

Qazіrgі ýaqytta Almaly aýdandyq soty stýdentterdіń bіrіne qatysty úkіm shyǵarǵan. Sonymen bіrge ekіnshі qatysýshyǵa qatysty qylmystyq іs qozǵalǵany belgіlі boldy.

Oqý orny jábіrlenýshі stýdenttіń álі de ýnıversıtet jataqhanasynda turyp jatqanyn jáne oǵan qajettі jaǵdaı jasalǵanyn habarlady.