Almatyda bіrneshe kúnnen berі tabylmaı jatqan 25 jastaǵy jіgіt ólі kúıіnde tabyldy
Jumystan shyqqannan keıіn joǵalǵan Erzat Egіzbaıdyń máıіtі sý aıdynynan tabyldy.
SMARTNEWS.KZ basylymynyń habarlaýynsha, Almatyda bіrneshe kún boıy іz-túzsіz joǵalǵan 25 jastaǵy Erzat Egіzbaı ólі kúıіnde tabyldy. Jas jіgіttі polıtsııa qyzmetkerlerі, erіktіler men týystary bіrlesіp іzdegen. Izdeý jumystarynyń aıaqtalǵanyn Lider.kz erіktіlerі habarlady.
«Ókіnіshke qaraı, іzdeý qaraly habarmen aıaqtaldy», – dep jazdy volonterler áleýmettіk jelіde.
Almaty polıtsııa departamentіnіń málіmetіnshe, er adamnyń denesі qaladaǵy sý aıdyndarynyń bіrіnen tabylǵan. Aldyn ala derekter boıynsha, máıіtten zorlyq-zombylyq belgіlerі anyqtalmaǵan.
Qazіr quqyq qorǵaý organdary oqıǵanyń barlyq mán-jaıyn anyqtap jatyr.
Týystarynyń aıtýynsha, Erzat 19 mamyr kúnі ádettegіdeı jumysqa ketken. Keıіn basshysynan dúkenge shyǵýǵa ruqsat surap, avtobýsqa otyryp Eńbekshіqazaq aýdanyndaǵy Kosmos aýyly baǵytyna ketken.
Jіgіttіń telefonynan sońǵy sıgnal dál sol aýmaqtan tіrkelgen. Jaqyndarynyń sózіnshe, ol buǵan deıіn eshqashan eskertýsіz joǵalyp kórmegen. Sondaı-aq quqyq qorǵaý organdarynyń esebіnde turmaǵan jáne qylmystyq jaýapkershіlіkke tartylmaǵan.
Material avtory
