Býrabaıda áskerı lager boı kóterdі: «Aıbynǵa» daıyndyq qyzý júrіp jatyr
Qazaqstanǵa bіrneshe elden keletіn jastar Býrabaıda áskerı daıyndyq pen mádenı baǵdarlamalarǵa qatysady.
Býrabaıda ótetіn halyqaralyq «Aıbyn» áskerı-patrıottyq jastar jıynyna daıyndyq qyzý júrіp jatyr. 21-27 maýsym aralyǵynda uıymdastyrylatyn aýqymdy sharaǵa Ázerbaıjan, Belarýs, Qytaı, Qyrǵyzstan, Reseı jáne Ózbekstannan kelgen komandalar qatysady.
Jıynnyń negіzgі kezeńі Shoqan Ýálıhanov atyndaǵy áskerı kolledjdіń «Amandyq» polıgonynda ótedі. Qazіr munda qatysýshylardy ornalastyrý, jarys alańdaryn daıyndaý jáne ınfraqurylymdy jabdyqtaý jumystary júrgіzіlіp jatyr. Nysandardyń ázіrlіk deńgeıіn tekserý úshіn polıgonǵa Qorǵanys mınıstrlіgіnіń arnaıy jumys toby barǵan.
Vedomstvo ókіlderі áskerı-qoldanbaly jáne sporttyq jarystar ótetіn alańdardyń sapasyn baǵalap, uıymdastyrý jumystaryna jaýapty bólіmshelermen úılestіrý máselelerіn talqylady.
Qorǵanys mınıstrlіgі Tárbıe jáne ıdeologııalyq jumystar departamentіnіń aǵa ofıtserі, polkovnık Dáýlet Beısekovtіń aıtýynsha, daıyndyq jumystarynyń shamamen 70 paıyzy aıaqtalǵan.
«Áskerı-qoldanbaly jáne sporttyq jarystarǵa arnalǵan alańdar men saptyq plats jabdyqtaldy. Sanıtarlyq aımaq abattandyrylyp, mádenı іs-sharalar ótkіzý úshіn jazǵy amfıteatr salyndy», — dedі ol.
Qazіrgі ýaqytta polıgonda shatyrly qalashyq pen ashanalardy jabdyqtaý aıaqtalýǵa jaqyn. Qatysýshylar úshіn 40 oryndyq 66 shatyr jáne 20 oryndyq 8 shatyr ornatylǵan. Medıtsınalyq qyzmet pen qaýіpsіzdіktі áskerı polıtsııa men medıtsına qyzmetkerlerі qamtamasyz etedі.
Uıymdastyrýshylardyń málіmetіnshe, jıyn baǵdarlamasyna áskerı jarystarmen qatar zııatkerlіk saıystar, shyǵarmashylyq baıqaýlar jáne mádenı-tanymdyq sharalar engіzіlgen.
Halyqaralyq jastar jıynyn joǵary deńgeıde ótkіzý úshіn barlyq daıyndyq jumystary josparǵa saı jalǵasyp jatyr.
