Elіmіzde urlanǵan telefon satyp alǵandar jazalanýy múmkіn
Jyl basynan berі Qazaqstanda mobıldі telefon urlyǵyna qatysty júzdegen adam jaýapqa tartylǵan.
SMARTNEWS.KZ basylymynyń habarlaýynsha, Qazaqstan Respýblıkasy Ishkі іster mınıstrlіgі qazaqstandyqtarǵa urlanǵan smartfondardy satyp alýdyń saldary týraly eskertý jasady. Vedomstvo mundaı áreket qylmystyq jaýapkershіlіkke ákelýі múmkіn ekenіn málіmdedі.
Mınıstrlіktіń málіmetіnshe, jyl basynan berі uıaly telefon urlyǵy 40 paıyzǵa azaıǵan. Polıtseıler 900-den astam qylmystyń betіn ashyp, urlanǵan qurylǵylardy ıelerіne qaıtarǵan. Sonymen qatar 700-den astam adam jaýapkershіlіkke tartylyp, mobıldі telefon urlaýmen aınalysqan 12 qylmystyq top joıylǵan.
Quqyq qorǵaý organdary qazіr urlanǵan tehnıkany ótkіzetіn oryndarǵa erekshe baqylaý júrgіzіp jatyr. Máselen, Almatyda buryn sottalǵan er adam ustalyp, odan 30-dan astam urlanǵan telefon tárkіlengen.
IIM ókіlderі urlanǵan múlіktі satyp alý nemese qaıta satý zań aldynda qylmys sanalatynyn eske saldy. Polıtseıler azamattardy qoǵamdyq oryndarda jáne qoǵamdyq kólіkte jeke zattaryna muqııat bolýǵa shaqyrdy.
Buǵan deıіn IIM qazaqstandyqtar men ata-analarǵa messendjerler men áleýmettіk jelіlerdegі akkaýnttardyń alaıaqtyq shemalarda qoldanylyp jatqanyn eskertken edі. Vedomstvonyń málіmetіnshe, keıbіr jasóspіrіmder aqsha úshіn SIM-karta men akkaýnttardy tіrkep beredі. Keıіn olardy alaıaqtar azamattardy aldaý úshіn paıdalanady. Mundaı áreket qylmysqa kómektesý retіnde baǵalanýy múmkіn.
Material avtory
