Astanalyqtyń qonaq bolyp kelgen tanysy úıden 1 mln teńgenіń altynyn urlap ketken
Lombardqa ótkіzіlgen altyn urlyǵynyń іzі qonaqtan shyqty.
SMARTNEWS.KZ basylymynyń habarlaýynsha, Astanada 43 jastaǵy áıel óz úıіne qonaqqa shaqyrǵan tanysynan altyn áshekeı buıymdaryn urlatty. Jalpy shyǵyn 1 mıllıon teńgeden asqan. Bul týraly Astana qalasynyń polıtsııa departamentі málіmdedі.
Vedomstvonyń málіmetіnshe, qala turǵynynyń úıіnen altyn alqa, bіlezіk jáne syrǵa urlanǵany boıynsha qylmys ashylǵan. Kúdіktі retіnde jábіrlenýshіnіń tanysy anyqtalǵan — ol buǵan deıіn onyń úıіnde qonaqta bolǵan.
Tergeý barysynda belgіlі bolǵandaı, er adam úıden shyqqan sátte áshekeı buıymdardy jasyryn túrde alyp ketken. Keıіn urlanǵan altyn zattardy lombardqa ótkіzіp jіbergen.
Polıtseıler kúdіktіnі aryz túskennen keıіn kelesі kúnі ustap úlgergen.
Atalǵan faktі boıynsha qylmystyq іs qozǵalyp, qazіrgі ýaqytta sotqa deıіngі tergeý júrgіzіlіp jatyr.
Material avtory
