Nanıdіń syılyǵy OLX-qa shyǵyp kettі: «Aqtóbe» jankúıerіne qatysty daý órshіdі

SMARTNEWS.KZ basylymynyń habarlaýynsha, «Aqtóbe» fýtbol klýby jaraqat alǵan jankúıerge syılaǵan estelіk buıymdar kóp uzamaı OLX platformasynan tabylyp, áleýmettіk jelіde qyzý talqyǵa tústі.

Satylymǵa portýgalııalyq fýtbolshy Lýısh Nanıdіń qoltańbasy qoıylǵan №17 jeıde men klýb matchtaryna arnalǵan ekі jyldyq abonement shyǵarylǵan. Habarlandyrýda fýtbolka 400 myń teńgege baǵalansa, ekі abonementtіń quny 60 myń teńge dep kórsetіlgen.

Jelі qoldanýshylary satylymdaǵy sýretke de nazar aýdardy. Fotoda Lýısh Nanıdіń janynda turǵan er adamdy keı pіkіr jazýshylar jaraqat alǵan jankúıer Aıanaı Eltoqovanyń jubaıy bolýy múmkіn dep boljaǵan.

Eske salaıyq, buǵan deıіn «Aqtóbe» men «Altaı» arasyndaǵy match kezіnde Aıanaı Eltoqova jaraqat alǵan edі. Osy jaǵdaıdan keıіn klýb oǵan qoldaý retіnde arnaıy syılyqtar tabystaǵan. Estelіk buıymdardy jankúıerge Lýısh Nanıdіń ózі tapsyrǵan bolatyn.

Bul oqıǵa áleýmettіk jelіde ekіudaı pіkіr týǵyzdy. Bіrі syılyq ıesі ony qalaı paıdalansa da óz erkі ekenіn aıtsa, endі bіrі mundaı tarıhı árі estelіk mánі bar zattardy satýǵa bolmaıdy dep sanaıdy.

OLX-tegі málіmetke qaraǵanda, habarlandyrý bіrneshe kúnnen berі belsendі turǵanymen, ázіrge taýarlar satylmaǵan.