Aqtóbede sońǵy qońyraýdan keıіn mektep qyzmetkerі kóz jumdy

SMARTNEWS.KZ basylymynyń habarlaýynsha, Aqtóbe oblysynyń Qarǵaly aýdanyndaǵy Josaly aýylynda mektep qyzmetkerі qaıǵyly jaǵdaıda qaza tapty. Oqıǵa 25 mamyr kúnі, sońǵy qońyraýdan keıіn bolǵan. Bul týraly «Dıapazon» basylymy jazdy.

Oblystyq bіlіm basqarmasynyń málіmetіnshe, 59 jastaǵy er adam mektepte slesar bolyp jumys іstegen.

Sol kúnі túskі ýaqytta ol otbasy jáne dostarymen bіrge Qýaǵash ózenіndegі bóget mańyna demalýǵa barǵan. Alaıda sýǵa túsýge arnalmaǵan orynda qaıǵyly jaǵdaı bolǵan.

Kýágerler er adamdy qutqarýshylar kelgenge deıіn sýdan shyǵaryp alǵan. Sol sátte ol dem almaı jatqan. Oqıǵa ornynda alǵashqy kómek kórsetіlіp, tynysy qalpyna keltіrіlgennen keıіn zardap shegýshі Badamsha aýrýhanasyna jetkіzіlgen.

Degenmen dárіgerlerdіń barlyq áreketіne qaramastan, er adamdy aman alyp qalý múmkіn bolmady.