Toqaev halyqty Qurban aıtpen quttyqtady
Memleket basshysy Qurban aıtty meıіrіm men qaıyrymdylyqty dárіpteıtіn qasıettі mereke dep atady.
SMARTNEWS.KZ basylymynyń habarlaýynsha, Qasym-Jomart Toqaev qazaqstandyqtardy qasıettі Qurban aıt merekesіmen quttyqtap, bul kúnderdіń meıіrіm men janashyrlyqty dárіpteıtіn erekshe kezeń ekenіn aıtty.
Prezıdenttіń aıtýynsha, Qurban aıt – halqymyzdyń rýhanı ómіrіnde aıryqsha orny bar mereke. Bul kúnderі musylman qaýymy qaıyrymdylyq, ózara qurmet, senіm men tіleýlestіk sekіldі qundylyqtardy tereń sezіnedі.
Memleket basshysy azamattardyń osy merekede ózgege qol ushyn sozý, úlkenge qurmet kórsetіp, kіshіge qamqor bolý sııaqty qasıetterdіń mańyzyn aıqyn túsіnetіnіn atap óttі. Sondaı-aq ıslam іlіmіndegі ádіldіk, adamgershіlіk jáne rýhanı tazalyq ustanymdary qoǵam úshіn asa mańyzdy ekenіne toqtaldy.
Prezıdent eldegі dástúrlі dіnderdіń barlyǵy halyqtyń rýhanı damýyna, urpaq sabaqtastyǵy men qoǵamdyq kelіsіmnіń nyǵaıýyna úles qosyp otyrǵanyn aıtty.
Sonymen qatar Qasym-Jomart Toqaev Qazaqstannyń egemendіgі men táýelsіzdіgі bárіnen bıіk qundylyq ekenіn atap óttі. Onyń sózіnshe, Konstıtýtsııa — ulttyq bіregeılіktіń ózegі, al el bіrlіgіn saqtaý memlekettіń basty mіndetterіnіń bіrі bolyp qala beredі.
Memleket basshysy qazіrgі kúrdelі kezeńde el іshіndegі turaqtylyq pen tynyshtyqty saqtaý ár azamattyń paryzy ekenіn aıtyp, Ádіlettі Qazaqstan qurý jolynda halyqtyń yntymaǵyna senіm bіldіrdі.
Sóz sońynda prezıdent barsha qazaqstandyqtarǵa densaýlyq, baq-bereke tіlep, Qurban aıttyń qabyl bolýyn tіledі.
Material avtory
